«Գանձասարի» գլխավոր մարզչի պաշտոնում նշանակվել է Արմեն Ադամյանը, հաղորդում է ակումբի մամուլի ծառայությունը:
Մարզչական կարիերան 58-ամյա մասնագետն սկսել է բելառուսական «Դարիդայում»։ Ադամյանն աշխատել է նաև Ուլյանովսկի «Վոլգայում» և Պենզայի «Զենիթում»:
Հայաստանում մարզիչը գլխավորել է «Միկան», «Լոռին», «Ալաշկերտը», «Արարատ-Արմենիան», «Լեռնային Արցախը», ինչպես նաև աշխատել է «Սևան» ակումբում։
Արմեն Ադամյանի նախորդ ակումբը եղել է վրացական «Թելավին»։
«Գանձասարի» մարզչական շտաբը համալրել է նաև 55-ամյա մասնագետ Արտաշես Ադամյանը, որը կլինի գլխավոր մարզիչի օգնականը: