Մեծ Բրիտանիայում բանտերի գերբնակեցման պատճառով հարյուրավոր բանտարկյալներ ազատ են արձակվել
Մեծ Բրիտանիայում մոտ 700 բանտարկյալ ազատ է արձակվել բանտային գերբնակեցման խնդիրը լուծելու կառավարության ծրագրի շրջանակներում, հաղորդում է Telegraph-ը։
«Այսօր ազատ է արձակվել 700 բանտարկյալ, այդ թվում՝ գողության, բռնի հանցագործությունների և ընտանեկան բռնության համար դատապարտվածներ», – գրում է թերթը։
Ինչպես նշվում է հրապարակման մեջ, բոլոր ազատ արձակվածները ճաղերի հետևում անցկացրել են 575 օրից պակաս և կրել են իրենց պատժի մեկ երրորդը։