Հանրապետությունում երբեմն կհանդիպես օրինախախտ այնպիսի վարորդների, ովքեր իրենց համարելով անպատժելի, կարող են ճանապարհային երթևեկության կանոնների կոպիտ խախտում կատարել՝ մտածելով, որ պարեկներն իրենց ոչինչ չեն անի։
Ինչպես հայտնում է ֆոտոլրագրող Գագիկ Շամշյանը, սեպտեմբերի 9-ին՝ ժամը 12:33-ի սահմաններում, Երևանում «Toyota» մակնիշի «001 SS 01» համարանիշի ավտոմեքենայի վարորդը Տիգրանյան փողոցում, կոպիտ կերպով խախտելով ճանապարհային երթևեկության կանոնները, վազանց է կատարում, ապա ավտոմեքենան վարում հանդիպակաց երթևեկելի գոտիով։
Ֆոտոլրագրողի տեղեկություններով՝ նշված ավտոմեքենան հաշվառված է ՀՀ վճռաբեկ դատարանի հաշվեկշռում ե սպասարկում է Վճռաբեկ դատարանի նախագահ Լիլիթ Թադևոսյանին։
Արդյոք այդ «ուղեղից թոփալ» վարորդը, երբ խախտումը կատարում էր, Լ․ Թադևոսյանը եղել է ավտոմեքենայում, թե ոչ, հայտնի չէ, բայց որ Վճռաբեկ դատարանի նախագահը պետք է հետևություններ անի, դա ակնհայտ է։
SHAMSHYAN.com-ը ներկայացնում է բացառիկ տեսանյութ՝ ինչպես է տեղի ունեցել խախտումը։