Եթե մտածում եք ՀՅԴ-ն միջնադարյան խաչքար է, պետք է չկպնես, թե չէ կընկնի, կկոտրվի, տարեք դրեք թանգարանում. Կոնջորյան
Բաժանորդագրվեք Zarkerak.am-ի տելեգրամ ալիքին։
«Ժողովուրդ, մենք ձեզ չենք փակելու, չերազեք, մենք ձեզ բացելու ենք ու բացել ենք և ձեր պրոբլեմը հենց դա է»,- ԱԺ նիստում այս մասին ասաց ՔՊ խմբակցության ղեկավար Հայկ Կոնջորյանը:
««Հայաստան» դաշինքը, ՀՅԴ-ն եկել է ու փորձում են սահմանադրական կարգը փրկի: Բայց ես զգում եմ, որ ինչ-որ կեղծ, երեսպաշտ բան կա: Դուք ասել եք, որ ՀՌՀ անդամ Հակոեբ Հակոբյանը պետք է լինի քաղաքականապես զուսպ, բա եթե այդպես էր «Հայաստան» խմբակցությունը ոնց էր առաջադրում ՀՌՀ անդամի պաշտոնին Ռուբիկ Հակոբյանի թեկնածությունը: Նրա քաղաքական զսպվածության հատկապես ո՞ր կողմով էիք գայթակղվել, սիրելի դաշնակցականներ, ինտելեկտուալ ո՞ր բարեմասնությունն էր ձեզ հատկապես գայթակղել և դուք պատրաստվում էիք ընտրել չէ՞ նրան: Նա ՔՊ-ի մասին ասում է այնպիսի բաներ, որ Հակոբ Մովսեսը երբեք չի կարող ասել որևէ մեկի մասին»,-ասաց նա:
«Որ ասում եք, Հակոբ Մովսեսի արտահայտությունից ՀՅԴ-ն վիրավորվել է, դաշնակցությունը հիմնականում վիրավորում է ՝ ոչ միայն գաղափարապես: Ձեր հանդեպ տված ինտելեկտուալ գնահատականից ինչու՞ եք վիրավորովում: Իմ մոտ ձեր խոսքից տպավորություն է, որ մտածում եք դաշնակցությունը միջնադարյան խաչքար է, պետք է չկպնես, թե չէ կընկնի, կկոտրվի, եթե տենց եք մտածում, տարեք դրեք թանգարանում, արխիվացրեք»,- ասաց Կոնջորյանն ու հավելեց, որ ՀՅԴ-ն իր «մահ կամ ազատություն» լոզունգով մահը տվել է ժողովրդին, ազատությունը պահել իրեն: