Հովհաննես Շարամբեյանը նկարում էր այն, ինչ ուզում էր պահպանված տեսնել. ցուցահանդես Երևանում

Հովհաննես Շարամբեյանը նկարում էր այն, ինչ ուզում էր պահպանված տեսնել. ցուցահանդես Երևանում

Հովհաննես Շարամբեյանը նկարում էր այն, ինչ ուզում էր պահպանված տեսնել. ցուցահանդես Երևանում

Sputnik Արմենիա

Հայաստանի ազգային պատկերասրահում բացվել է Հովհաննես Շարամբեյանի ծննդյան 100-ամյակին նվիրված ցուցահանդեսը։ Ցուցադրությունը ներկայացնում է նրա ստեղծագործական… 23.09.2026, Sputnik Արմենիա

2026-09-23T18:45+0400

2026-09-23T18:45+0400

2026-09-23T18:48+0400

հայաստան

ուրիշ նորություններ

հովհաննես շարամբեյան

տեսանյութ

տեսանյութեր

https://cdn.am.sputniknews.ru/img/07ea/09/17/107208917_0:0:1920:1080_1920x0_80_0_0_cf6128adaed0351938e133db8310dc54.jpg.webp

Հայաստանի ազգային պատկերասրահում բացվել է Հովհաննես Շարամբեյանի ծննդյան 100-ամյակին նվիրված ցուցահանդեսը։ Ցուցադրությունը ներկայացնում է նրա ստեղծագործական ժառանգությունն ու մշակութային գործունեությունը՝ առանձին հատվածներով անդրադառնալով Դիլիջանին, ժողովրդական արվեստին, դիմանկարչությանը և թանգարանային գործունեությանը։Շարամբեյանի թոռը՝ Նարեկ Վան Աշուղաթոյանը, «Ուրիշ նորություններ» հաղորդաշարի շրջանակում պատմեց, որ պապին անձամբ չի ճանաչել, բայց նրա մասին պատկերացում է կազմել թողած ժառանգության և նրան ճանաչած մարդկանց պատմությունների միջոցով։Շարամբյանի ստեղծագործության կարևոր թեմաներից մեկը Դիլիջանն էր: Նա հատուկ միտումով էր նկարում Դիլիջանի հին տները, փայտյա փորագրված պատշգամբներն ու միջավայրը՝ դրանք գեղարվեստական լեզվով արխիվացնելու և հետագայում պահպանելու հնարավորությունը փոխանցելու համար։ Նրա նպատակը նաև այն էր, որ եթե այդ շենքերը երբևէ վերականգնման կարիք ունենան, հնարավոր լինի առաջնորդվել իրենց նախնական տեսքով։«Շարամբյանը հատուկ միտումով էր նկարում այդ տները, այդ միջավայրերը, որպեսզի գեղարվեստական լեզվով արխիվացվի։ Երբ այդ նկարները հայտնվեն ցուցահանդեսներում, արդեն ինքնին բարձրաձայնող, խոսող մի խոսափող լինեն։ Այ տեսեք` գեղանկարիչը կարևորել է այս միջավայրը, այս հուշարձանը»,– նշեց նկարչի թոռը։Շարամբյանի ամենամեծ նախագծերից մեկը Դիլիջանի պատմական փողոցի վերականգնումն էր, որն այսօր կրում է նրա անունը։Ազգային պատկերասրահի հայկական գեղանկարչության բաժնի պատասխանատու Հայկուհի Սահակյանի խոսքով՝ Շարամբյանի կտավներում առանձնանում են անկեղծությունն ու զգացմունքայնությունը։«Շարամբյանը չէր կարող պարզապես պատկերել Հայաստանը, նա այդտեղ իր հույզերն է դրել»,– ասաց նա։Ցուցահանդեսում ներկայացված են Շարամբյանի բնանկարները, դիմանկարները, ծաղիկները, ճանապարհորդական աշխատանքները, ինչպես նաև ժողովրդական արվեստի և թանգարանային գործունեության հետ կապված նյութեր։Մանրամասները՝ տեսանյութում։