Երևանի ավագանու «Մայր Հայաստան» կուսակցության անդամ Սոնա Աղեկյանի ֆեյսբուքյան գրառումը՝ կից տեսանյութով․ «Երևանը կրկին լճերի մեջ է
Մի քիչ ձյուն, մի քիչ հալոցք, մի թեթև անձրև և ամբողջ քաղաքը հայտնվում է ջրի մեջ, ոչ թե բնական աղետի պատճառով, այլ՝ քաղաքային կառավարման ձախողման պատճառով։
Ո՞նց պետք է մարդիկ անցնեն փողոցը, երբ մայթից մայթ հասնելը վերածվել է ջրային արգելքներով պայքարի։
Երեխաները ո՞նց հասնեն մանկապարտեզ ու դպրոց, երբ ծնողները ստիպված են մեքենաների հոսքի մեջ, ջրերի միջով՝ վտանգելով իրենց կյանքը, մի կերպ թռչկոտալ տարբեր տրամաչափի լճակներում։
Մինչդեռ արդեն 8 տարի շարունակ համայնքային բյուջեներ են ծախսվել «բարեկարգման» անվան տակ, բայց ջրահեռացման համակարգը փաստացի չի գործում։
Փողերը մսխվում PR-ի վրա, իսկ Երևանը մնում է տարբեր խնդիրներով լճացած»։