Չափից շատ խուտուտը կարող է առաջացնել անքնություն, նյարդային տիկեր, ցնցումներ և նյարդային համակարգի այլ խանգարումներ։ Այս մասին «Աբզաց»-ին տված հարցազրույցում զգուշացրել է ընտանեկան բժիշկ Դենիս Պրոկոֆեւը՝ նշելով, որ երեխաները հատկապես զգայուն են նման ազդեցությունների նկատմամբ։
Մասնագետի խոսքով՝ բժշկական տեսանկյունից խուտուտը մաշկի նյարդային վերջավորությունների գրգռում է, որին ուղեղը արձագանքում է ակամա պաշտպանիչ ռեակցիայով, որը կարող է առաջացնել ծիծաղ, մկանների կծկումներ և ձեռքերի կտրուկ շարժումներ։ Չափից շատ ինտենսիվ կամ երկարատև խուտուտը կարող է հանգեցնել նյարդային համակարգի գերբեռնվածության։
«Նյարդային մանրաթելերի չափազանց խթանումը կարող է հանգեցնել պաթոլոգիական պրոցեսների զարգացմանը»,- պարզաբանել է Դենիս Պրոկոֆեւը։
Չափազանց գրգռումը կարող է խաթարել ինքնավար նյարդային համակարգը, ուստի բժիշկը խորհուրդ է տվել խուսափել նման խաղերի չափից շատ օգտագործելուց, հատկապես երեխաների համար. նրանց նյարդային համակարգերը դեռ զարգանում են և կարող են ավելի զգայուն լինել ինտենսիվ խթանման և սթրեսի նկատմամբ: