Փաշինյան. Հայաստանը կկայացնի որոշումներ TRIPP մուտքի և ելքի պահին

ԵՐԵՎԱՆ, 17 սեպտեմբերի․ /ԱՌԿԱ/․ TRIPP երթուղու մուտքի և ելքի կետերում որոշումները կայացնելու է Հայաստանի Հանրապետությունը, ԱԺ- Կառավարություն հարցուպատասխանի ժամանակ չորեքշաբթի հայտարարել է վարչապետ Նիկոլ Փաշինյանը։

Այսպես է նա պատասխանել պատգամավորի հարցին՝ կապված Ադրբեջանի ԱԳՆ ղեկավարի՝ TRIPP-ի վերաբերյալ վերջին հայտարարության հետ, որն ասել էր. «Հայաստանի տարածքով անցնող հատվածի մուտքն ու ելքն իրականացվելու է Ադրբեջանով։

Փաշինյանը պարզաբանել է, որ աշխարհագրական տեսանկյունից այլ տարբերակ չկա, քանի որ TRIPP ճանապարհը Հայաստանի տարածք է մտնելու և դուրս է գալու Ադրբեջանի սահմանից։

«Չկա որևէ այլ տարբերակ, որոնց դեպքում TRIPP-ի երկու մուտքերը և երկու ելքերը լինեին ոչ թե Ադրբեջանից, այլ տարբերակ չկա: TRIPP-ը Ադրբեջանի սահմանից մինչև Ադրբեջանի սահման է», — ասել է վարչապետը։

Նա ընդգծել է, նախագիծն իրականացվելու է Հայաստանի իրավազորության և տարածքային ամբողջականության շրջանակում։

Այն հարցին, թե ով է որոշումներ կայացնելու անմիջապես մուտքի և ելքի ժամանակ, Փաշինյանը պատասխանել է. «Հայաստանի Հանրապետությունը, կոնկրետ ասում եմ»:

Նախագծի մասին

TRIPP-ը (Trump Route for International Peace and Prosperity — «Թրամփի ուղին հանուն միջազգային խաղաղության և բարգավաճման») նախատեսում է Հայաստանի տարածքով բազմամոդալ տարանցիկ հաղորդակցության ստեղծում, այդ թվում՝ Ադրբեջանի հիմնական մասի և Նախիջևանի Ինքնավար Հանրապետության միջև:

Հայաստանի և ԱՄՆ-ի միջև ստորագրված շրջանակային համաձայնագրի համաձայն՝ Հայաստանը պահպանում է լիակատար ինքնիշխանություն, տարածքային ամբողջականություն և իրավազորություն Հայաստանի տարածքում TRIPP-ի իրականացման բոլոր գոտիների նկատմամբ:

Համաձայնագիրը ստորագրվել է ԱՄՆ պետքարտուղար Մարկո Ռուբիոյի կողմից 2026 թ.-ի հունիսի 1-ին Վաշինգտոնում և Հայաստանի ԱԳ նախարար Արարատ Միրզոյանի կողմից հունիսի 4-ին Երևանում: