ԱՄՆ-ն և «Անսար Ալլահ» շարժումը Մուսկատում ամերիկյան դեսպանատանը փակ դռների հետևում հանդիպում են անցկացրել Օմանի իշխանությունների միջնորդությամբ, հայտնել է Reuters-ը։
Վաշինգտոնը ներկայացրել են դեսպանատան պաշտոնյաները։ Հուսիների պատվիրակության կազմում են եղել շարժման բարձրաստիճան ներկայացուցիչներ Մուհամեդ Աբդելսալամը (ԱՄՆ պատժամիջոցների տակ է) և Աբդելմալիկ ալ-Աջրին։
Հուսիները վերահաստատել են իրենց հավատարմությունը ԱՄՆ-ի հետ 2025 թվականի մայիսին ձեռք բերված հրադադարի համաձայնագրին և խոստացել չհարձակվել ամերիկյան, իսրայելական կամ առևտրային նավերի վրա՝ բացառությամբ սաուդյան նավերի։
Հանդիպումը տեղի է ունեցել Կարմիր ծովի ափի երկայնքով հուսիների առաջխաղացման ֆոնին, որը ներառել է Մոխա նավահանգստի գրավումը և Բաբ էլ-Մանդեբի նեղուցի նկատմամբ վերահսկողության ուժեղացումը։ Չնայած Սաուդյան Արաբիայի թագաժառանգի խնդրանքին՝ Վաշինգտոնը հրաժարվել է ուղղակի ռազմական միջամտությունից՝ փոխարենը կենտրոնանալով նավագնացության ազատության և հետախուզական տվյալների փոխանակման վրա։