Հայաստանի ազատ ոճի ըմբշամարտի հավաքականի մարզիկները «Ստեփան Սարգսյանի գավաթ» միջազգային մրցաշարում ընդհանուր առմամբ 9 մեդալ են նվաճել։
Հայաստանի հավաքականի անդամները 3 ոսկե և 6 բրոնզե մեդալ են նվաճել Երևանի «Դինամո» մարզահամալիրում սեպտեմբերի 10-13-ն անցկացված «Ստեփան Սարգսյանի գավաթ» միջազգային մրցաշարում։
Հայաստանը ներկայացնող մարզիկներից չեմպիոն են դարձել 57 կգ քաշային Մանվել Խնձրցյանը, 61 կգ քաշային Սարգիս Բեգոյանը և 70 կգ քաշային Վազգեն Թևանյանը։
Մրցաշարին մասնակցել է 15 երկիր ներկայացնող մոտ 200 մարզիկ։
Մրցաշարը նվիրված էր ԽՍՀՄ սպորտի վաստակավոր վարպետ, Օլիմպիական խաղերի արծաթե մեդալակիր և Եվրոպայի չեմպիոն Ստեփան Սարգսյանին։ Միջազգային մրցաշարն անցկացվել է արդեն 26-րդ անգամ։