Պուտինը պետական պարգև է շնորհել «Ռոսիա սեգոդնյա»-ի գլխավոր խմբագրի տեղակալ Բլագոդիրենկոյին

Բաժանորդագրվել

Անդրեյ Բլագոդիրենկոն բարձր պետական պարգևի է արժանացել ԶԼՄ-ների ոլորտում իր վաստակի և բազմամյա բարեխիղճ աշխատանքի համար:

ԵՐԵՎԱՆ, 11 փետրվարի – Sputnik. Ռուսաստանի նախագահ Վլադիմիր Պուտինը «Հայրենիքին մատուցած ծառայությունների համար» 1-ին աստիճանի շքանշանի մեդալով պարգևատրել է «Ռոսիա սեգոդնյա» մեդիախմբի գլխավոր խմբագրի տեղակալ Անդրեյ Բլագոդիրենկոյին։

Պարգևատրման մասին փաստաթուղթը հրապարակվել է Ռուսաստանի իրավական տեղեկատվության պաշտոնական հրապարակման կայքում։

«Զանգվածային լրատվության միջոցների ոլորտում ունեցած վաստակի և բազմամյա բարեխիղճ աշխատանքի համար «Հայրենիքին մատուցած ծառայությունների համար» 1-ին աստիճանի շքանշանի մեդալով պարգևատրել «Ռոսիա սեգոդնյա» միջազգային տեղեկատվական գործակալություն» դաշնային պետական ունիտար ձեռնարկության ղեկավարության տնօրեն, գլխավոր խմբագրի տեղակալ Անդրեյ Ալեքսանդրի Բլագոդիրենկոյին, քաղաք Մոսկվա»,-նշված է փաստաթղթում։

Leave a comment