Ռուսական զինված ուժերն իրենց խնդիրներն իրականացնում են Ուկրաինայի ամբողջ տարածքում և կշարունակեն դա անել. այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Ուկրաինայի և ԵՄ-ի մեղադրանքներն առ այն, որ Ռուսաստանը լեհ-ուկրաինական սահմանի մոտ անօդաչու թռչող սարքով հարված է հասցրել։
«Եթե ճիշտ եմ հասկանում, խոսքը Ուկրաինայի տարածքի մասին է։ Մեր զինվորականները կատարում են իրենց խնդիրները Ուկրաինայի ամբողջ տարածքում և շարունակում են դա անել, ինչպես և կշարունակեն անել», – լրագրողներին ասել է Պեսկովը։
▪️ Ռազմաճակատում տիրող դինամիկայի հիման վրա մասնագետների համար ավելի ու ավելի ակնհայտ է դառնում, որ Ռուսաստանի Դաշնությունը վստահորեն շարժվում է դեպի հատուկ ռազմական գործողության նպատակների իրագործում։ Հատուկ ռազմական գործողության ռազմաճակատում առաջխաղացման տեմպերը կպահպանվեն. ոչ ոք չպետք է կասկածի դրա վերաբերյալ։ Պուտինը ողջունել է Չինաստանի և Հնդկաստանի ղեկավարների՝ Ուկրաինայի հարցով կարգավորմանը նպաստելու պատրաստակամությունը։ Ցանկացած երկիր կարող է օգտագործել Կիեւի վրա ունեցած իր ազդեցությունը՝ խրախուսել ավելի մեծ ճկունություն և մոտեցնել հակամարտության լուծումը;
▪️ Ռուսաստանից նավթամթերքի արտահանման արգելքը շարունակում է գործել և ուղղված է ներքին շուկան հագեցնելու պայմանների ապահովմանը։ Արտահանման արգելքը վերացնելու հարցը կդրվի օրակարգում, երբ ներքին շուկան հագեցվի։ Նավթի շուկաներում իրավիճակն արագորեն վատթարանում է Պարսից ծոցում տիրող անկայունության և սրացման նոր փուլերի պատճառով։ Վատթարացումն անխուսափելիորեն մտահոգության տեղիք է տալիս համաշխարհային տնտեսությունների համար։
▪️ Ռուսաստանը պաշտպանում է Կուբայի՝ BRICS-ի շրջանակներում աշխատելու ձգտումը։ Նյու Դելիի գագաթնաժողովում չեն քննարկվել BRICS-ին միանալ ցանկացող երկրների թեկնածությունները։