Առաջիկա օրերին ջերմ, «ամառային» օրերը Հայաստանում կշարունակվեն, հայտարարել է ֆեյսբուքյան էջում Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը:
Հայաստանը գտնվում է հարավից՝ արևադարձային լայնություններից ներթափանցող տաք օդային հոսանքների ազդեցության գոտում։
Նա նշել է, որ առավելագույն ջերմաստիճանը կգրանցվի սեպտեմբերի 15-ին Երևանում, Արարատյան դաշտում և Վայոց Ձորի նախալեռներում՝ հասնելով +33-34 աստիճան տաքության, առանձին հատվածներում՝ մինչև +35-ի։
Հանրապետության տարածքում սեպտեմբերի 14-ի ցերեկը սպասվում է առանց տեղումների եղանակ։ Սեպտեմբերի 15-19-ին կեսօրից հետո առանձին շրջաններում սպասվում է կարճատև անձրև և ամպրոպ։
Քամին`արևմտյան`2-5 մ/վ։
Օդի ջերմաստիճանը սեպտեմբերի 18-19-ին ցերեկը աստիճանաբար կնվազի 2-4 աստիճանով։
Երևանում սեպտեմբերի 14-ի ցերեկը, 15-19-ին սպասվում է առանց տեղումների եղանակ։