Հիդրոօդերևութաբանության և մոնիթորինգի կենտրոնը հրապարակել է սեպտեմբերի 2-8-ն Երևանում իրականացված մթնոլորտային օդի որակի դիտարկումների արդյունքները։
Փոշու պարունակությունը սահմանային թույլատրելի կոնցենտրացիան գերազանցել է Կենտրոն վարչական շրջանում՝ սեպտեմբերի 2-ին և 7-ին։
Արաբկիր և Շենգավիթ վարչական շրջաններում փոշու պարունակության սահմանային թույլատրելի կոնցենտրացիայի գերազանցումներ չեն արձանագրվել։
Ազոտի երկօքսիդի պարունակությունը սահմանային թույլատրելի կոնցենտրացիան գերազանցել է Կենտրոնում՝ սեպտեմբերի 8-ին։
Արաբկիրում և Շենգավիթում ազոտի երկօքսիդի պարունակությունը թույլատրելի սահմանը չի գերազանցել։
Ծծմբի երկօքսիդի պարունակության դեպքում ևս սահմանային թույլատրելի կոնցենտրացիայի գերազանցում չի գրանցվել։