Ռուսաստանի, ԱՄՆ-ի և Չինաստանի առաջնորդներ Վլադիմիր Պուտինի, Դոնալդ Թրամփի և Սի Ցզինպինի հանդիպումը Ասիա-խաղաղօվկիանոսյան տնտեսական համագործակցության (APEC) գագաթնաժողովում ներկայումս նախատեսված չէ: «Իզվեստիա»-ի փոխանցմամբ՝ այս մասին այսօր հայտարարել է Կրեմլի խոսնակ Դմիտրի Պեսկովը:
Նա նշել է, որ միջազգային գագաթնաժողովի շրջանակներում եռակողմ բանակցություններ անցկացնելու հնարավորությունը չի կարելի բացառել, սակայն դրանց նախապատրաստական աշխատանքները դեռևս ընթացքի մեջ չեն:
«Դեռևս հանդիպում նախատեսված չէ, սակայն այն չի կարելի բացառել։ Այս պահին նման ծրագրեր չկան», – ասել է Կրեմլի խոսնակը։