Իրանի խորհրդարանի ազգային անվտանգության և արտաքին քաղաքականության հանձնաժողովի նախագահ Էբրահիմ Ազիզին կոշտ զգուշացում է արել ԱՄՆ տարածաշրջանում մնացած զորքերին։ Այս մասին հայտնում է «Մեհր» լրատվական գործակալությունը։
«Իրանի ռազմածովային ուժերը հստակ ուղերձ հղեցին. Պարսից ծոցի անվտանգությունն ու կայունությունն ապահովվում են Իրանի կողմից։
Մնացյալ ուժերին. Փրկե՛ք ձեր մնացած սպառազինությունը և վերադարձե՛ք տուն, քանի դեռ կարող եք, ու կենտրոնացե՛ք ձեր սեփական սահմանների պաշտպանության վրա»,- X սոցիալական ցանցում կատարած գրառման մեջ նշել է Ազիզին։