2026-2027 թվականների գրիպի սեզոնին ընդառաջ Հայաստանի բժշկական կազմակերպություններում մեկնարկել են սեզոնային գրիպի դեմ պատվաստումները։ Այս մասին հայտնում է ՀՎԿԱԿ-ը։
«Պատվաստումն առաջնահերթ նախատեսված է գրիպի բարդությունների զարգացման բարձր ռիսկ ունեցող խմբերի համար՝ հղիներ, 6 ամսականից մինչև 5 տարեկան երեխաներ, 65 տարեկան և բարձր տարիքի անձինք, մինչև 64 տարեկան՝ քրոնիկ հիվանդություններ ունեցող անձինք, բուժաշխատողներ, փակ կազմակերպություններում գտնվող անձինք և սպասարկող անձնակազմը, զինծառայողներ։
Միաժամանակ, սեզոնային գրիպի դեմ կարող են պատվաստվել նաև ռիսկի խմբերում չընդգրկված անձինք։
Պատվաստումն անվճար է և իրականացվում է՝ անկախ առողջության առաջնային պահպանման ծառայություններ մատուցող բժշկի մոտ գրանցումից և քաղաքացիությունից։
Սեզոնային գրիպի դեմ պատվաստումը նպաստում է հատկապես ռիսկի խմբերում հիվանդության ծանր ընթացքի, բարդությունների, հոսպիտալացումների և մահվան դեպքերի կանխարգելմանը։
Գրիպի կանխարգելման արդյունավետ և անվտանգ միջոցը պատվաստումն է։
2026-2027 թվականների գրիպի սեզոնին ընդառաջ՝ պատվաստվե՛ք և պաշտպանե՛ք Ձեզ ու Ձեր շրջապատին»,- ասվում է հաղորդագրության մեջ։
Դիտումների քանակ3