Ռուսաստանի Դաշնության նախագահ Վլադիմիր Պուտինը սեպտեմբերի 7-ին հեռախոսազրույց է ունեցել Ադրբեջանի Հանրապետության նախագահ Իլհամ Ալիևի հետ։
Հեռախոսազրույցի ընթացքում երկու երկրների ղեկավարները քննարկել են առևտրատնտեսական և հումանիտար համագործակցությանն առնչվող մի շարք արդիական հարցեր, հայտնել է Կրեմլի մամուլի ծառայությունը:
Կողմերը պայմանավորվել են տարբեր մակարդակներում ակտիվացնել երկկողմ շփումները։
Նույնաբովանդակ հաղորդագրություն է տարածել նաև Ալիևի աշխատակազմը:
Այլ մանրամասներ հայտնի չեն:
Վերջին անգամ ՌԴ և Ադրբեջանի նախագահները «ոտքի վրա» շփվել են սեպտեմբերի 1-ին Բիշքեկում՝ ՇՀԿ գագաթնաժողովի շրջանակում: