Մեքսիկական Տեմասկալսինգո համայնքի եկեղեցու մոտ տեղի ունեցած հրատեխնիկայի պայթյունի հետևանքով 10 մարդ է զոհվել, 64-ը՝ վիրավորվել, տուժածների թվում կա երկու հոգևորական, քանդվել է եկեղեցու պատը, մի քանի մարդ հայտնվել է փլատակներում, հաղորդում է Associated Press-ը։
Պայթյունը տեղի է ունեցել հովանավոր սրբի օրվա տոնակատարության ժամանակ, երբ հարյուրավոր մարդիկ պատրաստվում էին դիտել տոնական հրավառությունը: Տեղական հաղորդագրությունների համաձայն՝ հրդեհն ընդգրկել է հրապարակում հրատեխնիկայի պահեստը, որին էլ հետևել է ուժեղ պայթյուն: Մեխիկո նահանգի գլխավոր դատախազությունը քննություն է սկսել: