Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ուկրաինայում արևմտյան սպառազինության արտադրության ցանկացած օբյեկտ Ռուսաստանի զինված ուժերի համար կլինի օրինական թիրախ, գրում է РИА Новости-ն։
Ավելի վաղ Գերմանիայում Ռուսաստանի դեսպանատունը հայտնել էր, որ Գերմանիան Մեծ Բրիտանիայի և Ֆրանսիայի հետ համատեղ սկսել է հեռահար գործողության համակարգերի ստեղծման աշխատանքները։ Լրագրողները Պեսկովին խնդրել են մեկնաբանել այդ հայտարարությունը։
«Ուկրաինայի տարածքում գտնվող ցանկացած նմանատիպ օբյեկտ մեր զինված ուժերի համար կլինի օրինական թիրախ», – լրագրողներին ասել է Պեսկովը։