Բաժանորդագրվել
Ձերբակալություններն իրականացվել են հակակոռուպցիոն կոմիտեում քննվող քրեական վարույթի շրջանակում։
ԵՐԵՎԱՆ, 3 սեպտեմբերի – Sputnik. Քաղաքաշինական նորմերի խախտումներով շինություններին դրական եզրակացություն տալու համար ձերբակալվել են տեսչական մարմնի պաշտոնյաներ։ Sputnik Արմենիայի հետ զրույցում այդ մասին հայտնեց ՀՀ հակակոռուպցիոն կոմիտեի խոսնակ Մարինա Օհանջանյանը։
«Հաստատում ենք, որ ՀՀ հակակոռուպցիոն կոմիտեում իրականացվող քրեական վարույթի շրջանակում ձերբակալվել է 6 անձ, այդ թվում՝ ՀՀ քաղաքաշինության, տեխնիկական և հրդեհային անվտանգության տեսչական մարմնի տարածքային բաժանմունքների ղեկավար պաշտոններ զբաղեցրած անձինք»,- հայտնեց Օհանջանյանը։
Նրանք մեղադրվում են կաշառքի դիմաց քաղաքաշինական նորմերի խախտմամբ կառուցված շինությունների համար դրական եզրակացություն տալու գործընթացն անխոչընդոտ կազմակերպելու մեջ։