Հայաստանի և Իրանի միջև նախատեսվում է ստեղծել պարզեցված մաքսային միջանցքի ռեժիմ․ համապատասխան արձանագրության նախագիծը հավանության է արժանացել ՀՀ կառավարության նիստում։
Նոր մեխանիզմի դեպքում մի երկրի մաքսային մարմինները հարևան երկիր ուղևորվող բեռների վերաբերյալ էլեկտրոնային տվյալները՝ ապրանքների և ուղարկողների մասին, կփոխանցեն մյուս երկրի գործընկերներին։ Դրանից հետո ընդունող կողմը բեռները կզննի պարզեցված ընթացակարգով։
Ռեժիմը կգործի բոլոր տրանսպորտային միջոցների համար՝ բացառությամբ անձնական ավտոմեքենաների։
Նախատեսվող համակարգը պետք է արագացնի բեռների մաքսային ձևակերպումն ու տրանսպորտային միջոցների սահմանային անցումը։ Հայաստանի և Իրանի միջև նման համակարգի ներդրման շուրջ քննարկումները շարունակվում էին նաև 2025-2026 թվականներին։