Երկրաշարժից անօթևան մնացած 15 ընտանիք բնակարան կստանա
1988թ երկրաշարժի հետեւանքով անօթևան մնացած ևս 15 ընտանիքների բնակարանային խնդիրը կլուծվի։ Լոռու եւ Շիրակի մարզերի բնակավայրերում Ծրագրի շրջանակում բնակապահովման իրավունքը դատական կարգով վերականգնած և շահառու ճանաչված թվով 15 ընտանիքների ցուցակները հաստատվել են, որոնց անհրաժեշտ է տրամադրել ուղղակի ֆինանսական աջակցություն կամ բնակարանի գնման վկայագիր՝ բնակելի տարածքով ապահովելու նպատակով:
Աղետի գոտու բնակիչների բնակարաններով ապահովելու 10 մլն 754 հազար 500 դրամից՝ 93 մլն 329 հազար դրամն ուղղվում է Լոռու մարզպետի աշխատակազմին՝ մարզի բնակավայրերում բնակարանային ապահովման իրավունքը դատական կարգով վերականգնած և ծրագրի շահառու ճանաչված թվով 14 ընտանիքներին։ Իսկ 8մլն 617 հազար 5 հարյուր դրամն ուղղվում է Շիրակի մարզպետի աշխատակազմին՝ Շիրակի մարզի բնակավայրերում բնակարանային ապահովման իրավունքը դատական կարգով վերականգնած եւ հրամանով ծրագրի շահառու ճանաչված թվով 1 ընտանիքին վկայագրի միջոցով բնակարան (բնակելի տուն) ձեռք բերելու նպատակով ֆինանսական աջակցության տրամադրման նպատակով: