Լավ ապրելը նույնպես Հայաստանի Հանրապետությունում պետք է լինի սովորական, ինչի համար Կառավարությունը մեծ ներդրումներ է կատարում: Այդ մասին Ֆեյսբուքի իր էջում գրել է վարչապետ Նիկոլ Փաշինյանը:
«Արմավիրի մարզի Մեծամոր համայնքի Երասխահուն բնակավայրի նորակառույց կրթահամալիրում հանդես եկա ելույթով»,- նշել է նա:
«Այսօր մեր երեխաները պետք է իմանան, որ 15-20 տարի հետո, 30 տարի հետո ինչ սոցիալական վիճակում կլինի իրենց ընտանիքը կախված է նրանից, թե իրենք այսօր ժամանակն այս շենքում ինչպես են անցկացնում, իհարկե նաև մեր հարգելի ուսուցիչների, որակավորման մեր ծրագրերի, դասագրքերի, նյութերի և այդպես շարունակ:
Ամենակարևոր հմտությունը ստեղծագործականությունն է, որը պետք է զարգանա երեխաների շրջանում մեր դպրոցական միջավայրի շնորհիվ»,- մասնավորապես նշել է վարչապետը: