Արսեն Աղաբաբյանն ազատ է արձակվել․ նրա նկատմամբ կիրառվել է բացակայելու արգելք

Նոյեմբերյանի համայնքապետ Արսեն Աղաբաբյանն ազատ է արձակվել: Տեղեկությունը Factor.am-ի հետ զրույցում հաստատեցին Հակակոռուպցիոն կոմիտեից։

Աղաբաբայանի նկատմամբ կիրառվել է բացակայելու արգելքը։

Հիշեցնենք, որ Արսեն Աղաբաբյանը օգոստոսի 31-ի երեկոյան էր ձերբակալվել։ Կոմիտեից Factor.am-ին հայտնել էին, որ համայնքի ղեկավարը ձերբակալվել է ՀՀ հակակոռուպցիոն կոմիտեում քննվող քրեական վարույթի շրջանակներում:

Նշենք՝ Արսեն Աղաբաբյանը «Ապրելու երկիր» կուսակցության անդամ է։ 2021թ․ դեկտեմբերից ղեկավարում է Նոյեմբերյան համայնքը։ 2023թ․ ապրիլի 22-ին ընտրվել է «Ապրելու երկիր» կուսակցության քաղաքական խորհրդի անդամ։

Անի Թամրազյան