Բիշքեկում Շանհայի համագործակցության կազմակերպության գագաթնաժողովի շրջանակում հանդիպել են Ռուսաստանի նախագահը և Հնդկաստանի վարչապետը:
Նարենդրա Մոդին գոհունակություն է հայտնել, որ երկրների միջև գործարար ոլորտում շփումները նոր թափ են ստացել, Մոսկվան և Նյու Դելին աշխատում են հանուն երկու ժողովուրդների բարօրության:
Անդրադարձ է եղել ռուս-ուկրաինական հակամարտությանը:
«Հնդկաստանն աջակցում է խաղաղության բոլոր ջանքերին։ Պատերազմի ամեն նոր օր փաստացի հետ է շպրտում մարդկությունը։ Պետք է անվերջ պատերազմից շարժվենք դեպի դրա ավարտը»,- շեշտել է Հնդկաստանի վարչապետը։
Մոդիի խոսքով՝ խաղաղ կարգավորումն ամբողջ մարդկության պահանջն է:
Վլադիմիր Պուտինն էլ վստահեցրել է, որ Մոսկվան շարժվում է ռուս-ուկրաինական հակամարտության ավարտի ուղղությամբ: Նա պնդել է՝ անհրաժեշտ է խաղաղ միջոցներով լուծել բոլոր խնդիրները:
Կրեմլի ղեկավարը նաև հայտարարել է, որ երկկողմ հարաբերությունները շարունակում են ամրապնդվել՝ հիմնվելով ռազմավարական արտոնյալ գործընկերության սկզբունքների վրա, առևտրատնտեսական ոլորտում դրական միտումներ կան:
Դիտումների քանակ3