https://arm.sputniknews.ru/20260831/inch-azdanshan-e-tvel-putiny-qvocharjanin-shnvorhavvorelvov-markedvonvovi-verlutsutjuny-106313250.html
Ինչ ազդանշան է տվել Պուտինը Քոչարյանին շնորհավորելով․ Մարկեդոնովի վերլուծությունը
Ինչ ազդանշան է տվել Պուտինը Քոչարյանին շնորհավորելով․ Մարկեդոնովի վերլուծությունը
Sputnik Արմենիա
Ռուսաստանցի փորձագետի կարծիքով՝ Երևանի և Մոսկվայի հարաբերությունները գտնվում են ամենացածր մակարդակում հետխորհրդային ողջ պատմության ընթացքում: 31.08.2026, Sputnik Արմենիա
2026-08-31T19:56+0400
2026-08-31T19:56+0400
2026-08-31T19:56+0400
ռուսաստան
հայաստան
սերգեյ մարկեդոնով
վլադիմիր պուտին
ռոբերտ քոչարյան
նիկոլ փաշինյան
https://cdn.am.sputniknews.ru/img/07e8/0c/0b/83822636_0:104:1600:1004_1920x0_80_0_0_a363e68e0a4c9648727a9b89edde9be0.jpg.webp
ԵՐԵՎԱՆ, 31 օգոստոսի – Sputnik. Ռուսաստանցի քաղաքագետ Սերգեյ Մարկեդոնովը կարծում է, որ ՌԴ նախագահ Վլադիմիր Պուտինը Հայաստանի երկրորդ նախագահ Ռոբերտ Քոչարյանին իր շնորհավորանքով հստակ քաղաքական ազդանշան է հղել Երևանին:Շնորհավորելով Քոչարյանին ծննդյան 72-ամյակի կապակցությամբ՝ ՌԴ նախագահը նշել է, որ Ռուսաստանում չեն մոռանում Հայաստանի երկրորդ նախագահի անձնական ներդրումը երկու երկրների միջև բարեկամական, դաշնակցային կապերի զարգացման գործում: Պուտինը կալանավորված Քոչարյանին մաղթել է «հոգեկան առույգություն և տոկունություն փորձությունների նկատմամբ», որոնց այժմ բախվում են նա և իր ընտանիքի անդամները: Մարկեդոնովը ուշադրություն է հրավիրում վերջին արտահայտության վրա:Մարկեդոնովի խոսքով, ռուսական կողմը հասկացրել է, որ երկխոսությունը հնարավոր է, բայց ոչ աշխարհաքաղաքական նորաձևության ներկայիս օրենսդիրներին Երևանի կողմից հաճոյանալու և համաձայնելու միջոցով:Փորձագետը նշում է, որ Մոսկվայի և Երևանի հարաբերությունները ողջ հետխորհրդային շրջանի ամենացածր մակարդակում են: ՀՀ կառավարության 2026-2031թթ. ծրագրում Ռուսաստանը դաշնակից չի ներկայացվում (երկրների հարաբերությունները բնութագրվում են որպես «փոխակերպվող, զարգացող և խորացող գործընկերություն»): ՌԴ-ն նշված է Հայաստանի համար հետաքրքրություն ներկայացնող երկրների շարքում «ութերորդ համարի ներքո»։Մերկեդոնովը խիստ խորհրդանշական է համարում այն, որ վարչապետ Նիկոլ Փաշինյանը հայտարարում է իր երկրի համար ՀԱՊԿ-ի վնասակարության և ոչ անհրաժեշտ լինելու մասին: Հենց նախագահ Քոչարյանի օրոք Հայաստանը միացավ այդ կառույցին։ Ընդ որում, փորձագետը նշում է, որ չափազանց պարզունակ կլիներ Քոչարյանին բնութագրել որպես Մոսկվայի ինչ-որ դրածո, ինչը հիմա շահարկում են նրա քննադատներն ու իշխանամետ բանավիճողները։Ինչպես գրում է Մարկեդոնովը, Պուտինն այս առումով շարունակում է իր նախկին գիծը՝ ցույց տալով, որ Ռուսաստանի հետ մերձեցմամբ շահագրգռված հայ քաղաքական գործիչները իր համար պարզապես գեղեցիկ խոսքեր չեն։ Եվ ապա, Քոչարյանին տոկունությունը մաղթելը նախկին նախագահի հետ համերաշխության դրսևորում է։
2026
Լուրեր
am_HY
https://cdn.am.sputniknews.ru/img/07e8/0c/0b/83822636_0:0:1422:1066_1920x0_80_0_0_00d0ad721aee8bf9ac608b6e13cda4c2.jpg.webp
ռուսաստան, հայաստան, սերգեյ մարկեդոնով, վլադիմիր պուտին, ռոբերտ քոչարյան, նիկոլ փաշինյան
ռուսաստան, հայաստան, սերգեյ մարկեդոնով, վլադիմիր պուտին, ռոբերտ քոչարյան, նիկոլ փաշինյան
Ռուսաստանցի փորձագետի կարծիքով՝ Երևանի և Մոսկվայի հարաբերությունները գտնվում են ամենացածր մակարդակում հետխորհրդային ողջ պատմության ընթացքում:
ԵՐԵՎԱՆ, 31 օգոստոսի – Sputnik. Ռուսաստանցի քաղաքագետ Սերգեյ Մարկեդոնովը կարծում է, որ ՌԴ նախագահ Վլադիմիր Պուտինը Հայաստանի երկրորդ նախագահ Ռոբերտ Քոչարյանին իր շնորհավորանքով հստակ քաղաքական ազդանշան է հղել Երևանին:
Շնորհավորելով Քոչարյանին ծննդյան 72-ամյակի կապակցությամբ՝ ՌԴ նախագահը նշել է, որ Ռուսաստանում չեն մոռանում Հայաստանի երկրորդ նախագահի անձնական ներդրումը երկու երկրների միջև բարեկամական, դաշնակցային կապերի զարգացման գործում: Պուտինը կալանավորված Քոչարյանին մաղթել է «հոգեկան առույգություն և տոկունություն փորձությունների նկատմամբ», որոնց այժմ բախվում են նա և իր ընտանիքի անդամները: Մարկեդոնովը ուշադրություն է հրավիրում վերջին արտահայտության վրա:
«Մոսկվան ցույց է տալիս, որ Քոչարյանի ճակատագրի հանդեպ անտարբեր չէ, և Երևանին քաղաքական ազդանշան է ուղարկում, բայց դա անում է դիվանագիտորեն՝ չանցնելով բացահայտ ճնշման։ Եվ դա արվում է Բիշքեկում Շանհայի համագործակցության կազմակերպություն հոբելյանական գագաթնաժողովի շրջանակներում ՌԴ նախագահի մամուլի քարտուղարի կողմից հայտարարված՝ Պուտինի և Փաշինյանի հանդիպման նախօրեին»,-գրում է փորձագետն իր տելեգրամյան ալիքում։
Մարկեդոնովի խոսքով, ռուսական կողմը հասկացրել է, որ երկխոսությունը հնարավոր է, բայց ոչ աշխարհաքաղաքական նորաձևության ներկայիս օրենսդիրներին Երևանի կողմից հաճոյանալու և համաձայնելու միջոցով:
Փորձագետը նշում է, որ Մոսկվայի և Երևանի հարաբերությունները ողջ հետխորհրդային շրջանի ամենացածր մակարդակում են: ՀՀ կառավարության 2026-2031թթ. ծրագրում Ռուսաստանը դաշնակից չի ներկայացվում (երկրների հարաբերությունները բնութագրվում են որպես «փոխակերպվող, զարգացող և խորացող գործընկերություն»): ՌԴ-ն նշված է Հայաստանի համար հետաքրքրություն ներկայացնող երկրների շարքում «ութերորդ համարի ներքո»։
Մերկեդոնովը խիստ խորհրդանշական է համարում այն, որ վարչապետ Նիկոլ Փաշինյանը հայտարարում է իր երկրի համար ՀԱՊԿ-ի վնասակարության և ոչ անհրաժեշտ լինելու մասին: Հենց նախագահ Քոչարյանի օրոք Հայաստանը միացավ այդ կառույցին։ Ընդ որում, փորձագետը նշում է, որ չափազանց պարզունակ կլիներ Քոչարյանին բնութագրել որպես Մոսկվայի ինչ-որ դրածո, ինչը հիմա շահարկում են նրա քննադատներն ու իշխանամետ բանավիճողները։
2003թ. հունվարին Ռուսաստան կատարած այցի ժամանակ Հայաստանի նախագահն իր մտահոգությունն էր հայտնել Կրասնոդարի երկրամասի իշխանությունների հակահայկական հռետորաբանության և միգրացիոն քաղաքականության վերաբերյալ, որից հետո նույնիսկ հատուկ Մոսկվայից Կուբան էր մեկնել այն ժամանակվա մարզպետ Ալեքսանդր Տկաչովի հետ խոսելու համար: Բացի այդ, լինելով ՀԱՊԿ-ին Հայաստանի անդամակցության ջերմեռանդ ջատագովը, Քոչարյանը նաև քննադատել է կազմակերպությունը՝ ցանկանալով բարձրացնել կառույցի արդյունավետությունը։ Առավել հատկանշական է Քոչարյանի ելույթը 2006 թվականի հունիսի 23-ին Մինսկում ՀԱՊԿ գագաթնաժողովում։
Ինչպես գրում է Մարկեդոնովը, Պուտինն այս առումով շարունակում է իր նախկին գիծը՝ ցույց տալով, որ Ռուսաստանի հետ մերձեցմամբ շահագրգռված հայ քաղաքական գործիչները իր համար պարզապես գեղեցիկ խոսքեր չեն։ Եվ ապա, Քոչարյանին տոկունությունը մաղթելը նախկին նախագահի հետ համերաշխության դրսևորում է։