Բուժօգնությունը ՀՀ-ում անվճար չի ապահովագրության շրջանակներում, անվճար ոչինչ չի լինում. նախարար
Բաժանորդագրվեք Zarkerak.am-ի տելեգրամ ալիքին։
«Պետք է ճիշտ նկարագրենք այն ինչ ունենք, որ ակնկալիքները սխալ չլինեն: Բուժօգնությունը ՀՀ-ում անվճար չի ապահովագրության շրջանակներում, անվճար ոչինչ չի լինում, պետությունը հստակ ծառայությունների համար, որոնց ցանկը հրապարակված է, ունի ապահովագրական փաթեթ՝ առավել փոխհատուցման գներով»,- ասուլիսում ասաց Առողջապահության նախարար Անահիտ Ավանեսյանը:
«Այո՛, ծառայությունների գերակշռող մասով քաղաքացին այդ ծառայությունը ստանալուց որևէ վճար չի անում, իր փոխարեն ամբողջությամբ վճարում է ապահովագրական հիմնադրամը: Արդյոք կան վճարովի պալատներ բժշկական կենտրոններում, այո կան և շարունակելու են լինել: Եթե որևէ կոնկրետ բժշկական կենտրոնում սպառվել է մահճակալային ֆոնը, որն ըստ էության VIP պալատ չի, կամ առանձնացված խնամքով պալատի չի, այնտեղ էլ շատ հստակ տարանջատված են: Այո, քաղաքացին պետք է հավելյալ վճարի, եթե չի ուզում վճարի, պետք է ընտրի այն բժշկական կենտրոնը, որտեղ այդ պալատները, մահճակալները հասանելի են»,- ասաց նա:
Նախարարը նաև շեշտեց, որ բժշկական կենտրոնների հնարավորություններն էլ անսահման չեն. «Պետությունն ասել է, որ այս ծառայության համար բազմաթիվ բժշկական կենտրոններ ունեն ապահովագրության պայմանագիր և հերթագրվելով առաջինը եկածի տրամաբանությամբ, պիտի օգտվենք ծառայություններից, հավելյալ կոմֆորտի, խնամքի, ծառայությունների համար այո պիտի վճարել»: