Ուկրաինայի խոշոր Սևծովյան նավահանգիստների գործունեությունը կաթվածահար է ավելի քան մեկ ամիս, իսկ բեռնափոխադրման այլընտրանքային ուղիների օգտագործումը միայն ավելացնում է ծախսերը, հայտնել է Monde թերթը։
«Մեկ ամսից ավելի է, որ տարածաշրջանի երեք խոշոր նավահանգիստներում՝ Օդեսայում, Չորնոմորսկում և Յուժնիում, նավերի երթևեկությունը դադարեցվել է», – հաղորդել է թերթը։
Նշվում է, որ այդ նավահանգիստները պաշտոնապես չեն փակվել։ Սակայն խոշոր նավագնացական ընկերությունները փաստացի դադարեցրել են իրենց նավեր ուղարկելը այնտեղ։
Նավահանգստային գործունեության կաթվածահարության պատճառով ուկրաինական ընկերությունները ավելի ու ավելի են դիմում Դանուբի նավերի, երկաթուղային տրանսպորտի և ավտոմոբիլային տրանսպորտի օգտագործմանը։ Սակայն այս այլընտրանքները միայն մասամբ են փոխհատուցում Ուկրաինայի Սևծովյան նավահանգիստների փակումը։ Միևնույն ժամանակ, տրանսպորտային ծախսերը բարձրանում են, ինչը ապրանքների մատակարարման ուշացումներ է առաջացնում։ Հուլիսի 23-ին Ուկրաինայի ագրարային քաղաքականության նախարար Տարաս Վիսոցկին հայտնել էր, որ նավերը դադարեցրել են կանգառն ուկրաինական նավահանգիստներում. երթևեկությունը դադարեցվել է նավատերերի որոշմամբ։ Օգոստոսի սկզբին Ուկրաինայի միջազգային բեռնափոխադրողների ասոցիացիան հայտնել էր լեհ-ուկրաինական սահմանին տրանսպորտային փլուզման մասին՝ Ուկրաինայի Սևծովյան նավահանգիստների շրջափակման պատճառով։ Լեհաստան մեկնելու համար հերթում կանգնած է եղել գրեթե 6500 բեռնատար, իսկ սպասման ժամանակը հասնել է յոթ օրվա։