Թրամփի աղմկահարույց հրապարակումը. Հորմուզի նեղուցը՝ «ԱՄՆ տարածքների» ցանկում

ԱՄՆ նախագահ Դոնալդ Թրամփը ուրբաթ օրը Truth Social սոցիալական ցանցի իր էջում աղմկահարույց հրապարակում է արել՝ տեղադրելով մի նկար, որտեղ Հորմուզի նեղուցը պատկերված է որպես Միացյալ Նահանգների տարածքներից մեկը։

«ԱՄՆ տարածքներ» (US Territories) մակագրությամբ պատկերում ներկայացված են ԱՄՆ տարբեր տարածքների ու ասոցացված պետությունների դրոշները, մասնավորապես՝

• Գուամ,

• Վիրջինյան կղզիներ,

• Հյուսիսային Մարիանյան կղզիներ,

• Պուերտո Ռիկո,

• Ուեյք կղզի,

• ԱՄՆ մայրաքաղաք Վաշինգտոն (Կոլումբիայի օկրուգ),

• Ամերիկյան Սամոա,

• Մարշալյան կղզիներ,

• Միկրոնեզիայի Դաշնային Նահանգներ։

Հրապարակված նկարի վերին հատվածում՝ այս դրոշների շարքում, պատկերված է նաև ռազմավարական կարևոր նշանակություն ունեցող Հորմուզի նեղուցի քարտեզը։