https://arm.sputniknews.ru/20260828/gazaji-shurj-banakcutjunneri-yntacqum-zenqi-harc-chi-qnnarkvel-hamas-i-nerkajacucich-106213206.html
Գազայի շուրջ բանակցությունների ընթացքում զենքի հարց չի քննարկվել. ՀԱՄԱՍ-ի ներկայացուցիչ
Գազայի շուրջ բանակցությունների ընթացքում զենքի հարց չի քննարկվել. ՀԱՄԱՍ-ի ներկայացուցիչ
Sputnik Արմենիա
Համադը նշել է` զենքի հարցի լուծումը կապված է նաև զինված խմբավորումների գործունեության դադարեցման և Գազայի հատվածից իսրայելական ուժերի դուրսբերման հետ։ 28.08.2026, Sputnik Արմենիա
2026-08-28T12:49+0400
2026-08-28T12:49+0400
2026-08-28T12:49+0400
համաս
զենք
գազայի հատված
https://cdn.am.sputniknews.ru/i/logo/logo-social.png
ԵՐԵՎԱՆ, 28 օգոստոսի – Sputnik. ՀԱՄԱՍ-ի քաղբյուրոյի ներկայացուցիչ Ղազի Համադը հայտարարել է, որ Գազայի շուրջ վերջին բանակցությունների շրջանակում զենք հանձնելու հարց չի քննարկվել, իսկ ծանր սպառազինության հնարավոր պահպանումը պետք է իրականացնի պաղեստինյան ազգային հանձնաժողովը։«Մենք բանակցությունների ընթացքում չենք քննարկել զենքը հանձնելու հարցը։ Նման փուլ չկա։ Խոսքը որոշակի վայրում զենքի պահպանման մասին է, և այն պետք է պահպանի պաղեստինյան ազգային հանձնաժողովը, ոչ թե օտարերկրյա կողմը»,- հայտարարել է Համադը թուրքական «Aydınlık»–ին։Նրա խոսքով՝ սպառազինության հարցը կապված է համաձայնագրի առաջին փուլի պայմանների կատարման, Գազայում պաղեստինյան ազգային հանձնաժողովի աշխատանքի մեկնարկի և Գազայի հատված մտնող միջազգային ուժերի խնդիրների հստակեցման հետ։Համադը նշել է, որ զենքի հարցի լուծումը կապված է նաև զինված խմբավորումների գործունեության դադարեցման և Գազայի հատվածից իսրայելական ուժերի դուրսբերման հետ։Այս պայմանները կատարելուց հետո, նրա խոսքով, պետք է սկսվեն նոր բանակցություններ՝ ծանր սպառազինության վերաբերյալ հետագա գործողությունների ժամկետների, ցանկի և կարգի մասին։Միաժամանակ ՀԱՄԱՍ-ի ներկայացուցիչն ընդգծել է, որ Իսրայելը դեռ դրական պատասխան չի տվել այս ճանապարհային քարտեզին և շարունակում է ռազմական գործողությունները Գազայում։Հիշեցնենք` Գազայի հատվածում պատերազմի դադարեցման մասին համաձայնություն ձեռք բերվեց 2025 թվականի հոկտեմբերի 9-ին Եգիպտոսի, ԱՄՆ-ի, Կատարի և Թուրքիայի միջնորդությամբ և ամրագրվեց հոկտեմբերի 13-ին Շարմ էլ Շեյխում կայացած գագաթնաժողովում։ Այն նախատեսում էր կրակի դադարեցում, Գազայում պահվող պատանդների ազատ արձակում՝ պաղեստինցի բանտարկյալների հետ փոխանակման դիմաց, մարդասիրական օգնության ավելացում և իսրայելական ուժերի աստիճանական դուրսբերում։Պայմանավորվածությունները չեն կատարվել, քանի որ կողմերի դիրքորոշումները տարբերվում են առաջին հերթին հետագա քայլերի հերթականության հարցում։
գազայի հատված
2026
Լուրեր
am_HY
համաս, զենք, գազայի հատված
համաս, զենք, գազայի հատված
Համադը նշել է` զենքի հարցի լուծումը կապված է նաև զինված խմբավորումների գործունեության դադարեցման և Գազայի հատվածից իսրայելական ուժերի դուրսբերման հետ։
ԵՐԵՎԱՆ, 28 օգոստոսի – Sputnik. ՀԱՄԱՍ-ի քաղբյուրոյի ներկայացուցիչ Ղազի Համադը հայտարարել է, որ Գազայի շուրջ վերջին բանակցությունների շրջանակում զենք հանձնելու հարց չի քննարկվել, իսկ ծանր սպառազինության հնարավոր պահպանումը պետք է իրականացնի պաղեստինյան ազգային հանձնաժողովը։
«Մենք բանակցությունների ընթացքում չենք քննարկել զենքը հանձնելու հարցը։ Նման փուլ չկա։ Խոսքը որոշակի վայրում զենքի պահպանման մասին է, և այն պետք է պահպանի պաղեստինյան ազգային հանձնաժողովը, ոչ թե օտարերկրյա կողմը»,- հայտարարել է Համադը թուրքական «Aydınlık»–ին։
Նրա խոսքով՝ սպառազինության հարցը կապված է համաձայնագրի առաջին փուլի պայմանների կատարման, Գազայում պաղեստինյան ազգային հանձնաժողովի աշխատանքի մեկնարկի և Գազայի հատված մտնող միջազգային ուժերի խնդիրների հստակեցման հետ։
Համադը նշել է, որ զենքի հարցի լուծումը կապված է նաև զինված խմբավորումների գործունեության դադարեցման և Գազայի հատվածից իսրայելական ուժերի դուրսբերման հետ։
Այս պայմանները կատարելուց հետո, նրա խոսքով, պետք է սկսվեն նոր բանակցություններ՝ ծանր սպառազինության վերաբերյալ հետագա գործողությունների ժամկետների, ցանկի և կարգի մասին։
Միաժամանակ ՀԱՄԱՍ-ի ներկայացուցիչն ընդգծել է, որ Իսրայելը դեռ դրական պատասխան չի տվել այս ճանապարհային քարտեզին և շարունակում է ռազմական գործողությունները Գազայում։
Հիշեցնենք` Գազայի հատվածում պատերազմի դադարեցման մասին համաձայնություն ձեռք բերվեց 2025 թվականի հոկտեմբերի 9-ին Եգիպտոսի, ԱՄՆ-ի, Կատարի և Թուրքիայի միջնորդությամբ և ամրագրվեց հոկտեմբերի 13-ին Շարմ էլ Շեյխում կայացած գագաթնաժողովում։ Այն նախատեսում էր կրակի դադարեցում, Գազայում պահվող պատանդների ազատ արձակում՝ պաղեստինցի բանտարկյալների հետ փոխանակման դիմաց, մարդասիրական օգնության ավելացում և իսրայելական ուժերի աստիճանական դուրսբերում։
Պայմանավորվածությունները չեն կատարվել, քանի որ կողմերի դիրքորոշումները տարբերվում են առաջին հերթին հետագա քայլերի հերթականության հարցում։