https://arm.sputniknews.ru/20260827/uzhegh-hajastany-datapartum-e-qvocharjani-ev-nra-yntaniqi-andamneri-dem-gvortsyntacy-106192848.html
«Ուժեղ Հայաստանը» դատապարտում է Քոչարյանի և նրա ընտանիքի անդամների դեմ գործընթացը
«Ուժեղ Հայաստանը» դատապարտում է Քոչարյանի և նրա ընտանիքի անդամների դեմ գործընթացը
Sputnik Արմենիա
Խմբակցությունը նշում է` իրավապահ համակարգի գործողությունները վկայում են, որ իշխանության տված ուղղակի ցուցումները վտանգավոր կերպով շարունակում են ներթափանցել… 27.08.2026, Sputnik Արմենիա
2026-08-27T18:54+0400
2026-08-27T18:54+0400
2026-08-27T18:55+0400
հայաստան
«ուժեղ հայաստան» կուսակցություն
ռոբերտ քոչարյան
https://cdn.am.sputniknews.ru/img/07e9/07/04/90975038_0:0:1600:901_1920x0_80_0_0_f99481bc9ca700738000e873ae638a53.jpg.webp
ԵՐԵՎԱՆ, 27 օգոստոսի – Sputnik. Ազգային ժողովի «Ուժեղ Հայաստան» խմբակցությունը խստորեն դատապարտում է ՀՀ երկրորդ նախագահ Ռոբերտ Քոչարյանի և նրա ընտանիքի անդամների նկատմամբ իրականացվող քաղաքական հետապնդումների նոր դրսևորումները։ Խմբակցությունը հայտարարություն է տարածել։Հիշեցնենք` օգոստոսի 24-ին ՀՀ վարչապետ Նիկոլ Փաշինյանը իրավապահներին հրահանգեց ունեզրկել ՀՀ 2-րդ նախագահ Ռոբերտ Քոչարյանին և 3-րդ նախագահ Սերժ Սարգսյանին։ Հաջորդ օրը իրավապահները ներխուժեցին Ռոբերտ Քոչարյանի և նրա որդու՝ ԱԺ «Հայաստան» խմբակցության պատգամավոր Լևոն Քոչարյանի տներ և սկսեցին խուզարկություններ իրականացնել։ Այնուհետև հայտնի դարձավ, որ Ռոբերտ Քոչարյանը և նրա ավագ որդին` Սեդրակ Քոչարյանը, ձերբակալվել են։ Ավելի ուշ ՀՀ երկրորդ նախագահը տեղափոխվեց բուժկենտրոն։Ռոբերտ Քոչարյանին պաշտոնեական լիազորությունների չարաշահման, առանձնապես խոշոր չափերի փողերի լվացման և առանձնապես խոշոր չափերի կաշառք ստանալու մեղադրանքներ են ներկայացվել։Ըստ ՀՀ հակակոռուպցիոն կոմիտեի՝ Ռոբերտ Քոչարյանից ու Սեդրակ Քոչարյանից բացի, գործի շրջանակում ևս 4 անձ է ձերբակալվել, ըստ դատախազության` հանրային քրեական հետապնդում է հարուցվել 10 անձի, այդ թվում՝ ՀՀ երրորդ նախագահ Սերժ Սարգսյանի ու հանգուցյալ վարչապետ Անդրանիկ Մարգարյանի նկատմամբ։Օգոստոսի 25-ի լույս 26-ի գիշերը Սեդրակ Քոչարյանը 2 ամսով կալանավորվեց, օգոստոսի 27-ին դատարանը որոշեց 2-ամսյա կալանքի որոշում կայացրեց նաև Ռոբերտ Քոչարյանի նկատմամբ։ Կալանքի միջնորդության քննությունը շարունակվել է առանց նրա, քանի որ 2-րդ նախագահին տեղափոխել են «Սուրբ Գրիգոր Լուսավորիչ» բժշկական կենտրոն։
2026
Լուրեր
am_HY
https://cdn.am.sputniknews.ru/img/07e9/07/04/90975038_0:0:1424:1067_1920x0_80_0_0_880b9c5c1909d351dba2ca947d28d550.jpg.webp
հայաստան, «ուժեղ հայաստան» կուսակցություն, ռոբերտ քոչարյան
հայաստան, «ուժեղ հայաստան» կուսակցություն, ռոբերտ քոչարյան
Խմբակցությունը նշում է` իրավապահ համակարգի գործողությունները վկայում են, որ իշխանության տված ուղղակի ցուցումները վտանգավոր կերպով շարունակում են ներթափանցել իրավական գործընթացների մեջ։
«Այդ գործողությունները վկայում են, որ իշխանության տված ուղղակի ցուցումները վտանգավոր կերպով շարունակում են ներթափանցել իրավական գործընթացների մեջ։ Սա առանձին անձի կամ ընտանիքի խնդիր չէ, այլ պետական ինստիտուտների անկախությունը խաթարող գործելաոճ։ «Ուժեղ Հայաստան» խմբակցությունը խստորեն դատապարտում է գործադիր իշխանության ցանկացած ուղղակի կամ անուղղակի միջամտություն դատական և իրավապահ գործընթացներին»,– ասված է հայտարարությունում։
Ռոբերտ Քոչարյանին պաշտոնեական լիազորությունների չարաշահման, առանձնապես խոշոր չափերի փողերի լվացման և առանձնապես խոշոր չափերի կաշառք ստանալու մեղադրանքներ են ներկայացվել։