Երկուշաբթի՝ օգոստոսի 24-ին, ԱՄՆ նախագահ Դոնալդ Թրամփը Սաուդյան Արաբիայի հետ քաղաքացիական միջուկային համագործակցության համաձայնագիրն է ուղարկել Կոնգրես, հաղորդել է Reuters-ը՝ հղում անելով ԱՄՆ պաշտոնյայի։
Համաձայնագրի իրականացումը դեռևս կախված կլինի Էր-Ռիադի կողմից Իսրայելի հետ հարաբերությունների կարգավորումից։
«Նախագահի դիրքորոշումը չի փոխվել. համաձայնագիրը կիրականացվի միայն այն դեպքում, եթե Սաուդյան Արաբիան վերադառնա Աբրահամի համաձայնագրերին», – Reuters-ին ասել է աղբյուրը։
Աբրահամի համաձայնագրերն Իսրայելի և մի քանի արաբական և մուսուլմանական երկրների միջև հարաբերությունների կարգավորման վերաբերյալ համաձայնագրեր են, ներառյալ փոխադարձ ճանաչումը, դիվանագիտական կապերի հաստատումը և համագործակցության զարգացումը։ Միացյալ Նահանգները և Սաուդյան Արաբիան հուլիսին միջուկային տեխնոլոգիաների վերաբերյալ համաձայնագիր են ստորագրել։ Համաձայնագիրը նախատեսում է միջուկային տեխնոլոգիաների արտահանում քաղաքացիական նպատակներով՝ առանց ուրանի հարստացման։