ԱՄՆ-ի կողմից Իրանի նկատմամբ պատժամիջոցային ճնշումն ուժեղացնելու մասին հայտարարված որոշումը որևէ արդյունքի չի հանգեցնի, ինչպես նախորդ դեպքերում: Սոցիալական ցանցում գրել է Իրանի արտաքին գործերի նախարար Աբբաս Արաղչին։
Նա թվարկել է տարբեր ժամանակներում ԱՄՆ-ի կողմից Իրանի նկատմամբ ձեռնարկված միջոցները՝ յուրաքանչյուրի կողքին գրելով «Անհաջող»։
Մեկնաբանելով ԱՄՆ-ի իշխանությունների վերջերս արված հայտարարությունը «երբևէ իրականացված ամենակործանարար տնտեսական գործողության» մասին՝ նա գրել է՝ «Դատապարտված է ձախողման»։
«Մենք այս ամենի միջով արդեն բազմիցս անցել ենք։ Նույն պատմությունն է, պարզապես փոխվում են այն գործող անձինք, որոնք մեզ ահաբեկում են», – գրել է Արաղչին։