Քաղաքականություն
24.08.2026 | 10:42
«Կարող ենք արձանագրել, որ «Չորրորդ Հանրապետությունը» հիմնադրված է, «Չորրորդ Հանրապետությունն» իրականություն է»,- Ազգային ժողովի ամբիոնից նման հայտարարություն արեց ՀՀ վարչապետ Նիկոլ Փաշինյանը։ Նրա խոսքով՝ Հայաստանի ժողովուրդը քվեարկել է մի տեսլականի օգտին, որը վերաձևակերպում է պետության բուն գործառութային նշանակությունը։
«2021 թվականին, օրինակ, այն պայմաններում, երբ ընդդիմությունը զարգացնում էր «պարտված իշխանությունը պետք է հեռանա» թեզը, ժողովուրդը վստահության քվե տվեց «Քաղաքացիական պայմանագիր» կուսակցությանը։ Մինչդեռ 1994 թվականից ի վեր պատերազմում հաղթանակի թեզով կամ որպես հաղթական առաջնորդ հանդես եկած նախկին նախագահներից որևէ մեկը ընտրություններում չի ստացել ժողովրդի վստահության մանդատը և ստիպված է եղել բռնազավթել իշխանությունը՝ կեղծիքների, ուժի կիրառման և կամ սպանությունների ու ահաբեկումների միջոցով»,- ասաց Փաշինյանը։
Ըստ վարչապետի՝ եթե 1990 թվականի Անկախության հռչակման հիմքում պատմական արդարության վերականգնման փիլիսոփայությունն էր, ապա «Իրական Հայաստանի» գաղափարախոսության առանցքը ՀՀ միջազգայնորեն ճանաչված 29 743 կմ² տարածքում քաղաքացիների անվտանգությունը, ազատությունը, խաղաղությունն ու բարեկեցությունն ապահովելն է։
Մանրամասները՝ տեսանյութում։
Անի Թամրազյան