ՌԴ–ն չի մերժել առաջարկը, բայց երկաթուղային հատվածները կվերակառուցվեն ՀՀ պետբյուջեից

ՌԴ–ն չի մերժել առաջարկը, բայց երկաթուղային հատվածները կվերակառուցվեն ՀՀ պետբյուջեից

ՌԴ–ն չի մերժել առաջարկը, բայց երկաթուղային հատվածները կվերակառուցվեն ՀՀ պետբյուջեից

Sputnik Արմենիա

Հունվարի 15-ին Փաշինյանը հայտարարել էր՝ ՀՀ կառավարությունն ակնկալում է, որ Ռուսաստանը սեղմ ժամկետում կարձագանքի երկաթուղու՝ դեպի Ադրբեջան և Թուրքիա մի քանի… 20.08.2026, Sputnik Արմենիա

2026-08-20T14:57+0400

2026-08-20T14:57+0400

2026-08-20T14:59+0400

հայաստան

երկաթուղի

նիկոլ փաշինյան

https://cdn.am.sputniknews.ru/img/07ea/08/0d/105727579_0:83:1600:983_1920x0_80_0_0_f03939bb9c5da92941dae90d44de1493.jpg.webp

ԵՐԵՎԱՆ, 20 օգոստոսի – Sputnik. Երասխից Նախիջևան և Ախուրիկից Թուրքիայի սահման երկաթուղային հատվածների վերակառուցումը կիրականացվի ՀՀ պետական միջոցների հաշվին։ Կառավարության նիստից հետո այս մասին ասաց ՀՀ վարչապետ Նիկոլ Փաշինյանը` պատասխանելով լրագրողների հարցերին։Լրագրողներից մեկը մեջբերեց կառավարության ծրագիրը, որում նշված է` վերակառուցվելու և գործարկվելու են «Գյումրի-Ախուրիկ-Թուրքիայի հետ Հայաստանի սահման» և «Երասխ-Նախիջևանի հետ Հայաստանի սահման» երկաթուղային հատվածները, և հարցրեց` արդյոք սա նշանակում է, որ ռուսական կողմը մերժել է ՀՀ դիմումը, որ կառավարությունը նման պարտավորություն է ստանձնել։Հիշեցնենք` հունվարի 15-ին ՀՀ վարչապետ Նիկոլ Փաշինյանը հայտարարել էր՝ ՀՀ կառավարությունն ակնկալում է, որ Ռուսաստանը սեղմ ժամկետում կարձագանքի երկաթուղու՝ դեպի Ադրբեջան և Թուրքիա մի քանի հատվածների շտապ վերականգնման հարցին։ Խոսքը Իջևանի, Երասխի և Ախուրիկի հատվածների մասին է, որոնք 1980-ականների վերջից չեն շահագործվում։ՀՀ տարածքային կառավարման և ենթակառուցվածքների նախարար Դավիթ Խուդաթյանը փետրվարի 13-ին հայտարարեց, որ Հայաստանը երկաթգծի Իջևանի և Ախուրիկի հատվածները կառուցելու համար բանակցում է Ռուսաստանի Դաշնության հետ։ՌԴ փոխվարչապետ Ալեքսեյ Օվերչուկը օգոստոսի 6-ին հայտարարեց, որ Ռուսաստանը տարեսկզբին հայտնել է, որ պատրաստ է մասնակցել այդ երկու կարևոր երկաթուղային հատվածների վերականգնմանը։Հիշեցնենք` հայկական երկաթուղին ՀԿԵ-ի կոնցեսիոն կառավարմանն է հանձնվել 30 տարով 2008 թվականի փետրվարին՝ ևս 10 տարի երկարաձգելու իրավունքով։ Փետրվարի 13-ին ՀՀ վարչապետ Նիկոլ Փաշինյանն առաջարկեց Հայաստանի երկաթուղիների կոնցեսիոն կառավարումը վաճառել Երևանի և Մոսկվայի բարեկամ երկրի։ Իսկ մարտի 26-ին հայտարարեց, որ Երևանը դեմ չէ Հայաստանի երկաթուղին ղազախական կոնցեսիոն կառավարման հանձնելու տարբերակին, եթե այդ հարցում համաձայնություն ձեռք բերվի Ռուսաստանի հետ: ՌԴ տրանսպորտի նախարար Անդրեյ Նիկիտինը մարտի 3-ին հայտնեց, որ ՌԴ–ն Հայաստանի երկաթուղու կառավարումը Ղազախստանին հանձնելու հարցով բանակցություն չի վարում։