Քաղաքականություն
17.08.2026 | 20:48
ԱԺ «Հայաստան» խմբակցության ղեկավար Աննա Գրիգորյանը Հայաստանում Միացյալ Թագավորության դեսպան Ալեքսանդրա Քոուլի հետ քննարկել է հետընտրական շրջանում տեղի ունեցած գործընթացները, ներքաղաքական իրադարձություններն ու նորընտիր խորհրդարանում իշխանություն-ընդդիմություն հարաբերությունները։
«ԱԺ «Հայաստան» խմբակցության ղեկավար Աննա Գրիգորյանն օգոստոսի 17-ին ընդունել է ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ալեքսանդրա Քոուլին։
Ողջունելով դեսպանին խորհրդարանում՝ Աննա Գրիգորյանը կարևորել է տարբեր ձևաչափերով Միացյալ Թագավորության հետ համագործակցությունը։
Խմբակցության ղեկավարն իր դիտարկումներն է ներկայացրել հետընտրական շրջանում տեղի ունեցած գործընթացների վերաբերյալ, խոսել ներքաղաքական իրադարձություններից, անդրադարձել նորընտիր խորհրդարանում ընդդիմություն-իշխանություն հարաբերություններին։
Հանդիպմանը զրուցակիցները մտքեր են փոխանակել մի շարք ոլորտներում փոխգործակցության զարգացման վերաբերյալ, քննարկել երկկողմ հետաքրքրություն ունեցող այլ հարցեր»,- ասված է ՀՀ ԱԺ-ի տարածած հաղորդագրությունում։