Փորձագետները ներկայացրել են Toyota-ի պատմության գլխավոր սպորտային մոդելները՝ առաջին Sports 800-ից մինչև 2027 թվականին սպասվող GR GT սուպերմեքենան։
Շատերը Toyota-ն համարում են հուսալի, բայց ձանձրալի ավտոմեքենաներ արտադրող ընկերություն․ ապրանքանիշն առաջին հերթին ասոցացվում է Corolla-ի, Camry-ի և RAV4-ի հետ։ Սակայն այս կերպարի հետևում թաքնված է սպորտային ավտոմեքենաների ավելի քան 60-ամյա պատմություն՝ ավիացիոն ինժեներիայից ոգեշնչված շարժիչով փոքրիկ Sports 800-ից մինչև կուլտային AE86 դրիֆտային մեքենան և լեգենդար Supra Mk4-ը՝ 320 ձիաուժ հզորությամբ 2JZ-GTE շարժիչով։
Այսօր Toyota-ի սպորտային ոգին վերածնում է Gazoo Racing ստորաբաժանումը։ GR Yaris հոթ-հեթչը ստացել է GR-Four լիաքարշակ համակարգ, իսկ առաջատար GR Supra-ն ստեղծվել է BMW-ի հետ համագործակցությամբ։ Շարքի գագաթնակետը պետք է դառնա GR GT սուպերմեքենան, որը վաճառքում կհայտնվի 2027 թվականին՝ ավելի քան 650 ձիաուժ հզորությամբ հիբրիդային V8 շարժիչով և 320 կմ/ժ-ից ավելի առավելագույն արագությամբ։
Փորձագիտական կարծիքով՝ շարքում կան հետևյալ մոդելները՝
Sports 800 (1965)՝ ապրանքանիշի առաջին սպորտային մեքենան՝ 580 կգ քաշով,
2000 GT (1967)՝ առաջին ճապոնական սուպերմեքենան, որը ստեղծվել է Yamaha-ի հետ համատեղ,
Corolla GT-S AE86 (1983)՝ դրիֆտի մշակույթի խորհրդանիշը,
Supra Mk4 (1993)՝ 320 ձիաուժ հզորությամբ շարժիչով,
GR Yaris (2020)՝ ռալլային հոթ-հեթչ՝ լիաքարշակ համակարգով,
GR GT (2027)՝ ապագա սուպերմեքենան՝ 650+ ձիաուժ հզորությամբ հիբրիդային V8 շարժիչով:
Ավտոաշխարհի նորությունները հրապարակվում են ՌԵԳՈ ԻՆՇՈՒՐԱՆՍ ապահովագրական ընկերության աջակցությամբ, որը ներկայացնում է ԿԱՍԿՈ ապահովագրություն։ Կասկոն կօգնի անսպասելի իրավիճակներում պահպանել կայուն ֆինանսական վիճակ։