Իրանի և ԱՄՆ-ի միջև փոխըմբռնման հուշագիրը, որը նախատեսում էր բանակցությունների 60-օրյա ժամկետ, այլևս չի գործում Վաշինգտոնի կողմից խախտումների պատճառով, հայտարարել է Իրանի Հանրապետության ԱԳՆ պաշտոնական ներկայացուցիչ Էսմայիլ Բաղաեին: «ԱՄՆ-ն հենց սկզբից խախտել է փոխըմբռնման հուշագիրը»,- երկուշաբթի Mehr գործակալությունը մեջբերել է Բաղաեիի խոսքը ճեպազրույցի ժամանակ:
Դիվանագետի խոսքով՝ փոխըմբռնման հուշագրի տեքստում «60-օրյա ժամկետ սահմանող դրույթ չի եղել»: Նա պարզաբանել է, որ փաստաթուղթը միայն նախատեսում էր միջուկային թեմայով բանակցություններ 60 օրվա ընթացքում։
Բաղաեին ընդգծել է, որ Իրանը որոշումներ կկայացնի՝ ելնելով իր ազգային շահերից, այլ ոչ թե որևէ ժամկետի պարտադրանքից:
ԱՄՆ-ի և Իրանի միջև ռազմական գործողությունների դադարեցմանը նպաստող փոխըմբռնման հուշագրի ժամկետը լրանում է երկուշաբթի։