Opta վիճակագրական հարթակի սուպերհամակարգիչը գնահատել է Իսպանիայի Լա լիգայի նոր մրցաշրջանում թիմերի չեմպիոնական շանսերը։
Տիտղոսը նվաճելու գլխավոր հավակնորդ է համարվում գործող չեմպիոն «Բարսելոնան»։ Կատալոնական ակումբի հաղթանակի հավանականությունը գնահատվում է 45,2 տոկոս։
Երկրորդ տեղում Մադրիդի «Ռեալն» է, որի չեմպիոնության հավանականությունը 32,3 տոկոս է։ Եռյակը եզրափակում է Մադրիդի «Աթլետիկոն»՝ 8,4 տոկոս։
Իսպանիայի առաջնությունը մեկնարկելու է օգոստոսի 15-ին։