2026 թվականին Ուկրաինայի բյուջեի դեֆիցիտը կկազմի ՀՆԱ-ի ռեկորդային 35%-ը կամ ավելի քան 70 միլիարդ դոլար։ Այս մասին են վկայում Ուկրաինայի Ազգային բանկի տվյալները։
Այս ցուցանիշը մոտ 30 միլիարդ դոլարով գերազանցում է 2025 թվականի վերջին Ռադայի կողմից ընդունված բյուջեի մասին օրենքով նախատեսված ցուցանիշը (մոտ 42 միլիարդ դոլար)։ Այն ժամանակ բյուջեի դեֆիցիտը գնահատվում էր ՀՆԱ-ի 18.5%-ի չափով։
Դեֆիցիտը ծածկելու համար Ուկրաինան ակնկալում է արտաքին օգնություն, առաջին հերթին՝ Եվրամիության կողմից տրամադրվող 90 միլիարդ եվրոյի վարկը։
Ուկրաինայում ակնկալում են, որ իրավիճակը կբարելավվի 2027 թվականին, սակայն անգամ այդ կանխատեսումները սահմանափակ բնույթ ունեն․ 2027 թվականին բյուջեի դեֆիցիտը կպահպանվի ՀՆԱ-ի 26%-ի մակարդակում կամ կկազմի մոտ 50-60 միլիարդ դոլար։