Պարեկները թմրամիջոցի իրացման դեպք են բացահայտել․ վարորդն ու ուղևորը ձերբակալվել են
Բաժանորդագրվեք Zarkerak.am-ի տելեգրամ ալիքին։
Պարեկները գիշերային ծառայության ժամանակ թմրամիջոցի իրացման դեպք են բացահայտել:
Վարորդը և ուղևորը ձերբակալվել և «Շեվրոլետ» մեքենայով հանդերձ՝ տեղափոխվել են Համայնքային ոստիկանության Ավանի բաժին, որտեղ պարզվել է, որ 33-ամյա վարորդը Սյունիքի մարզի Բռնակոթ գյուղի բնակիչ է, իսկ 34-ամյա ուղևորը՝ Սիսիան քաղաքի: Վարորդի անձնական խուզարկությամբ հայտնաբերվել է մարիխուանա տեսակի թմրամիջոցի նմանվող զանգված:
Նախաձեռնվել է քրեական վարույթ, որի շրջանակում կատարված խուզարկությամբ պահպանվող հատուկ տարածք տեղափոխված մեքենայում հայտնաբերվել է մարիխուանա տեսակի թմրամիջոցի նմանվող ընդհանուր 391,45 գրամ զանգվածով 155 փաթեթ: