Երևանի Կենտրոն վարչական շրջանի ոչ սահմանված տեղերում վճարովի ավտոկայանատեղի կազմակերպելու թվով 12 դեպք է արձանագրվել, հայտնում է Երևանի քաղաքապետարանը։
Նշվում է, որ վճարովի ավտոկայանատեղիները կազմակերպվել են առանց իրավական հիմքերի։
«Վարչական իրավախախտումների վերաբերյալ կազմվել են համապատասխան արձանագրություններ»,- ասված է հաղորդագրությունում:
Իսկ լռության կանոնների պահպանումն ապահովելու նպատակով տնտեսվարողները նախազգուշացվել են սահմանված կանոնների խախտման դեպքում նախատեսվող իրավական հետևանքների վերաբերյալ։