https://arm.sputniknews.ru/20260807/erusaghemi-hajvoc-patriarqutjuny-pahanjum-e-dadarecnel-garegin-bi-dem-gvortsyntacy-105507595.html
Երուսաղեմի Հայոց պատրիարքությունը պահանջում է դադարեցնել Գարեգին Բ–ի դեմ գործընթացը
Երուսաղեմի Հայոց պատրիարքությունը պահանջում է դադարեցնել Գարեգին Բ–ի դեմ գործընթացը
Sputnik Արմենիա
Պատրիարքությունը կոչ է անում հայությանն ու սփյուռքի կառույցներին համախմբվել վեհափառ հայրապետի և Հայ եկեղեցու շուրջը։ 07.08.2026, Sputnik Արմենիա
2026-08-07T12:00+0400
2026-08-07T12:00+0400
2026-08-07T12:06+0400
հայաստան
ամենայն հայոց կաթողիկոս գարեգին բ
երուսաղեմի հայոց պատրիարքարան
https://cdn.am.sputniknews.ru/img/07ea/08/07/105507788_0:0:1500:844_1920x0_80_0_0_366901ac93b6a5e9bdca73f83365eee1.jpg.webp
ԵՐԵՎԱՆ, 7 օգոստոսի – Sputnik․ Երուսաղեմի Հայոց պատրիարքությունը դատապարտում է Ամենայն հայոց կաթողիկոս Գարեգին Երկրորդի և 6 եպիսկոպոսների դեմ իրականացվող դատական գործընթացը։ Պատրիարքությունը հայտարարություն է տարածել` նշելով, որ Ամենայն հայոց կաթողիկոսը Հայաստանյայց առաքելական սուրբ եկեղեցու ընդհանուր հոգևոր առաջնորդն է, որի հովվապետական առաքելությունն ու նվիրապետական հեղինակությունը տարածվում են աշխարհասփյուռ հայության, Հայ եկեղեցու նվիրապետական բոլոր աթոռների և թեմերի վրա։Պատրիարքությունը նշել է, որ հայ առաքելական եկեղեցին դարեր շարունակ եղել է հայ ժողովրդի հոգևոր կյանքի, ազգային ինքնության, մշակույթի, պատմական հիշողության և պետականության պահպանման հիմնասյուներից մեկը։«Եկեղեցու ներքին կանոնական, վարչական և կարգապահական հարցերին պետական մարմինների միջամտությունը հակասում է եկեղեցու ինքնավարության սկզբունքին և վտանգավոր նախադեպ է ստեղծում եկեղեցի-պետություն հարաբերություններում»,- նշված է հայտարարության մեջ։Երուսաղեմի հայոց պատրիարքությունը կոչ է անում ՀՀ պատկան մարմիններին հարգել ՀՀ Սահմանադրությամբ երաշխավորված Հայ առաքելական եկեղեցու ինքնավարությունը, զերծ մնալ այնպիսի քայլերից, որոնք կարող են խորացնել ազգային պառակտումը և անդառնալի վնաս հասցնել Հայ եկեղեցու և պետության փոխհարաբերություններին։Միաժամանակ կոչ է անում հայ ժողովրդին, Հայաստանի պետական և հասարակական կազմակերպություններին, սփյուռքի ազգային և եկեղեցական կառույցներին պաշտպան կանգնել Հայ եկեղեցու ինքնավարությանն ու արժանապատվությանը։Նշենք, որ Հայ առաքելական եկեղեցին ունի չորս նվիրապետական աթոռներ՝ Մայր աթոռ սուրբ Էջմիածին, Մեծի Տանն Կիլիկիո կաթողիկոսություն, Երուսաղեմի Հայոց պատրիարքություն և Կոստանդնուպոլսի Հայոց պատրիարքություն։ Նվիրապետական բոլոր աթոռները ճանաչում են Մայր աթոռ սուրբ Էջմիածնի գահերեցությունն ու նախամեծարությունը։Երեկ պաշտոնական հայտարարություն էր տարածել Մեծի Տանն Կիլիկիո կաթողիկոս Արամ Ա-ն՝ անընդունելի ու դատապարտելի համարելով Ամենայն հայոց կաթողիկոս Գարեգին Բ-ին դատարան հրավիրելը։Հիշեցնենք` փետրվարի 14-ին հայտնի դարձավ, որ Ամենայն հայոց կաթողիկոսի նկատմամբ քրեական հետապնդում է հարուցվել Մասյացոտնի թեմի նախկին առաջնորդ, կարգալույծ արված Արման Սարոյանի հետ կապված դատական ակտի կատարումը խոչընդոտելու մեղադրանքով, արգելվել է նրա ելքը Հայաստանից:Օգոստոսի 7-ին՝ ժամը 16։00-ին, Արմավիրի մարզի առաջին ատյանի ընդհանուր իրավասության դատարանում տեղի կունենա Ամենայն հայոց կաթողիկոսի և Գերագույն հոգևոր խորհրդի անդամ 6 եպիսկոպոսների քրեական գործի նախնական դատալսումների առաջին նիստը։ Գործը քննելու է դատավոր Հակոբ Մանուկյանը:
2026
Լուրեր
am_HY
https://cdn.am.sputniknews.ru/img/07ea/08/07/105507788_53:0:1404:1013_1920x0_80_0_0_2811b4111e483f160f40738651fc3222.jpg.webp
հայաստան, ամենայն հայոց կաթողիկոս գարեգին բ, երուսաղեմի հայոց պատրիարքարան
հայաստան, ամենայն հայոց կաթողիկոս գարեգին բ, երուսաղեմի հայոց պատրիարքարան
Պատրիարքությունը կոչ է անում հայությանն ու սփյուռքի կառույցներին համախմբվել վեհափառ հայրապետի և Հայ եկեղեցու շուրջը։
ԵՐԵՎԱՆ, 7 օգոստոսի – Sputnik․ Երուսաղեմի Հայոց պատրիարքությունը դատապարտում է Ամենայն հայոց կաթողիկոս Գարեգին Երկրորդի և 6 եպիսկոպոսների դեմ իրականացվող դատական գործընթացը։ Պատրիարքությունը հայտարարություն է տարածել` նշելով, որ Ամենայն հայոց կաթողիկոսը Հայաստանյայց առաքելական սուրբ եկեղեցու ընդհանուր հոգևոր առաջնորդն է, որի հովվապետական առաքելությունն ու նվիրապետական հեղինակությունը տարածվում են աշխարհասփյուռ հայության, Հայ եկեղեցու նվիրապետական բոլոր աթոռների և թեմերի վրա։
«Վեհափառի նկատմամբ ՀՀ իշխանությունների ցուցաբերած վերաբերմունքն անխուսափելիորեն անդրադառնալու է նաև Հայ եկեղեցու մյուս նվիրապետական աթոռների և հոգևոր ղեկավարների դիրքի վրա»,– ասված է հայտարարությունում։
Պատրիարքությունը նշել է, որ հայ առաքելական եկեղեցին դարեր շարունակ եղել է հայ ժողովրդի հոգևոր կյանքի, ազգային ինքնության, մշակույթի, պատմական հիշողության և պետականության պահպանման հիմնասյուներից մեկը։
«Եկեղեցու ներքին կանոնական, վարչական և կարգապահական հարցերին պետական մարմինների միջամտությունը հակասում է եկեղեցու ինքնավարության սկզբունքին և վտանգավոր նախադեպ է ստեղծում եկեղեցի-պետություն հարաբերություններում»,- նշված է հայտարարության մեջ։
Երուսաղեմի հայոց պատրիարքությունը կոչ է անում ՀՀ պատկան մարմիններին հարգել ՀՀ Սահմանադրությամբ երաշխավորված Հայ առաքելական եկեղեցու ինքնավարությունը, զերծ մնալ այնպիսի քայլերից, որոնք կարող են խորացնել ազգային պառակտումը և անդառնալի վնաս հասցնել Հայ եկեղեցու և պետության փոխհարաբերություններին։
Միաժամանակ կոչ է անում հայ ժողովրդին, Հայաստանի պետական և հասարակական կազմակերպություններին, սփյուռքի ազգային և եկեղեցական կառույցներին պաշտպան կանգնել Հայ եկեղեցու ինքնավարությանն ու արժանապատվությանը։
Նշենք, որ Հայ առաքելական եկեղեցին ունի չորս նվիրապետական աթոռներ՝ Մայր աթոռ սուրբ Էջմիածին, Մեծի Տանն Կիլիկիո կաթողիկոսություն, Երուսաղեմի Հայոց պատրիարքություն և Կոստանդնուպոլսի Հայոց պատրիարքություն։ Նվիրապետական բոլոր աթոռները ճանաչում են Մայր աթոռ սուրբ Էջմիածնի գահերեցությունն ու նախամեծարությունը։
Օգոստոսի 7-ին՝ ժամը 16։00-ին, Արմավիրի մարզի առաջին ատյանի ընդհանուր իրավասության դատարանում տեղի կունենա Ամենայն հայոց կաթողիկոսի և Գերագույն հոգևոր խորհրդի անդամ 6 եպիսկոպոսների քրեական գործի նախնական դատալսումների առաջին նիստը։ Գործը քննելու է դատավոր Հակոբ Մանուկյանը: