Վճիռը վաղուց կայացված է. Դավիթ Իշխանյանի խոսքը Բաքվի բանտից

Վճիռը վաղուց կայացված է. Դավիթ Իշխանյանի խոսքը Բաքվի բանտից

Վճիռը վաղուց կայացված է. Դավիթ Իշխանյանի խոսքը Բաքվի բանտից

Sputnik Արմենիա

Դավիթ Իշխանյանը նշել է, որ իրենց ընդհանուր պահվածքը մղում է ադրբեջանական կողմին խոստովանել, որ դատավարական գործընթացներում նրանք լուրջ բացեր են ունեցել։ 06.08.2026, Sputnik Արմենիա

2026-08-06T12:15+0400

2026-08-06T12:15+0400

2026-08-06T13:02+0400

հայ

գերի

արցախ

ադրբեջան

դավիթ իշխանյան

https://cdn.am.sputniknews.ru/img/07e9/0c/1a/97285185_0:0:946:532_1920x0_80_0_0_85741e33044434e0b1e80ab4d92cf981.jpg.webp

ԵՐԵՎԱՆ, 6 օգոստոսի – Sputnik. «Խաղաղության դատավարության» հերթական փուլը կարելի է համարել ավարտված։ Այս հայտարարությունն արել է Արցախի ԱԺ նախկին նախագահ Դավիթ Իշխանյանը։ Բաքվի բանտից հղած հերթական ուղերձը հրապարակվել է Արցախի ԱԺ–ի ֆեյսբուքյան էջում։«Վերաքննիչ դատարանը գնացել է խորհրդակցության, բայց ինչպես դատարանում են ասել, բոլորիս համար էլ պարզ է, որ այդ վճիռը վաղուց կայացված է, և դատավարական կոլեգիան չէ, որ կայացնում է այդ վճիռը։ Այդ մարմինը միայն կհայտարարի այն, ինչ արդեն իսկ վճռված է։ Մեր վերջին ելույթները շատ հետաքրքիր և յուրահատուկ էին, բայց մեզ անընդհատ միջամտում էին։ Սա քաղաքական դատավարություն է, և այնտեղ էլ շատ պարզ հայտարարում ենք այդ մասին։ Մենք արժանի հակահարվածներ ենք տալիս այն փաստարկներին և այն կեղծ պնդումներին, որոնք վերաբերում է մեր ժողովրդի անցյալին, ներկային, պատվի խնդիրներին, մեր ժողովրդի կեղծ տեղեկություններով, շինծու հիմնավորումներով, ազգային ինքնասիրությունը»,– նշել է Իշխանյանը։Նա ընդգծել է` իրենց ընդհանուր պահվածքը մղում է ադրբեջանական կողմին խոստովանել, որ դատավարական գործընթացներում նրանք լուրջ բացեր են ունեցել։Իշխանյանը նաև մեջբերել է իրենց պաշտպաններից մեկի խոսքը, որը դատարանում զգուշացրել է, որ դատավարության մասնակիցները տարիներ անց ամաչելու են իրենց սերունդների առաջ։Վերջին նիստում Դավիթ Իշխանյանն առաջարկ է ներկայացրել դատավորին, որ, հաշվի առնելով 2 երկրների, 2 ժողովուրդների միջև ստեղծված նուրբ քաղաքական իրավիճակը, արտաքին քաղաքական դերակատարների դերը և, որպես ապագայի միտված ներդրում, այս քրեական հետապնդումը դադարեցնեն և գործը կարճեն։«Մոտ 2 տարվա շարունակվող այս 2 ատյանների դատավարության ընթացքում պաշտպանական կողմը այդպես էլ չստացավ ո՛չ մեղադրական ակտը, ո՛չ մեղադրական եզրակացությունը, ո՛չ էլ առաջին ատյանի դատավճիռը։ Լավ մնացեք, մենք մեր խոսքը դեռ կասենք»,– եզրափակել է նա։Հիշեցնենք` Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ԱԺ նախկին նախագահ Դավիթ Իշխանյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալավերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին հայտնի դարձավ, որ Բաքվի դատարանը Ռուբեն Վարդանյանին 20 տարվա ազատազրկման է դատապարտել: Ապրիլի 28-ին հայտնի դարձավ, որ նրան այլ հայ գերիների հետ տեղափոխել են Բաքվի Ղարադաղի շրջանի Ումբակի բանտային համալիր:

ադրբեջան