Պետրենկոն նշել է, որ քննիչները քրեական գործեր են քննում Կուրսկի մարզում Ուկրաինայի ԶՈւ-ի կողմից մշակութային ժառանգության 53 օբյեկտների վնասման վերաբերյալ։ Դրանց թվում են Սուջայի Սուրբ Երրորդություն եկեղեցին, տեղի երկրագիտական թանգարանը, «Սուրբ Ծննդյան եկեղեցի» անսամբլը, «Դմիտրիևսկայա եկեղեցին» և Բարյատինսկիների «Մարյինո» կալվածքը(19-20-րդ դար)։
«ՌԴ ՔԿ գլխավոր քննչական վարչությունը և գլխավոր ռազմական քննչական վարչությունը առկա և հեռակա կարգով մեղադրանք են առաջադրել 35 օտարերկրացի վարձկանների, որոնք մասնակցել են Կուրսկի մարզ ներխուժմանը։ Նրանց թվում կան Վրաստանի, ԱՄՆ-ի, Նոր Զելանդիայի, Լիտվայի, Մեծ Բրիտանիայի և Հյուսիսային Իռլանդիայի Միացյալ Թագավորության և այլ երկրների քաղաքացիներ»,-նրա խոսքերը մեջբերում է ՌԴ ՔԿ մամուլի ծառայությունը։
28 անձի վերաբերյալ քննությունն ավարտվել է, 7 քրեական գործ դեռ ընթացքի մեջ է։
2022 թվականից ի վեր ուկրաինական կողմի հարձակումներին ենթարկվել է ՌԴ 54 մարզ։ Դրա հետևանքով զոհվել է 1 472 խաղաղ բնակիչ, այդ թվում՝ 45 երեխա։ Ընդհանուր առմամբ հարուցվել է 5 347 քրեական գործ՝ հատուկ ռազմական գործողության գոտու մաս չկազմող տարածքների վրա հարձակումների փաստերով։