Իսրայելի պաշտպանության բանակը «ճշգրիտ հարվածներ» է հասցրել հարավային Լիբանանին՝ ի պատասխան «Հըզբոլլահ» խմբավորման կողմից հրադադարի «կոպիտ խախտման», հայտնել է հրեական պետության բանակը։
Իսրայելի պաշտպանության բանակի տվյալներով՝ հարավային Լիբանանի բուֆերային գոտում Ալ-Մանսուրի գյուղի բնակիչների տարհանումը հրամայվել էր հարվածներից կարճ ժամանակ առաջ։
Թել Ավիվը նշել է, որ խաղաղ բնակիչները բնակավայր են մտել Լիբանանի բանակի պաշտպանության ներքո, որը նաև այնտեղ անցակետ է տեղադրել, ինչը, ըստ Իսրայելի պաշտպանության բանակի, խախտում է հրադադարի համաձայնագիրը։
Ըստ իսրայելական կողմի՝ տարհանումը կատարվել է անվտանգության նկատառումներից ելնելով, քանի որ տարածքում ռազմական գործողություններ են ընթանում։