15:35 05.08.2026 (Թարմացված է: 15:36 05.08.2026)
Բաժանորդագրվել
Չինաստանի վարչապետն ընդգծել է, որ պատրաստ են համագործակցել Հայաստանի հետ՝ առաջնորդվելով փոխադարձ հարգանքի, վստահության և փոխշահավետության սկզբունքներով։
ԵՐԵՎԱՆ, 5 օգոստոսի – Sputnik. Չինաստանի Ժողովրդական Հանրապետության Պետական խորհրդի նախագահ Լի Ցյանը շնորհավորական ուղերձ է հղել է Նիկոլ Փաշինյանին ՀՀ վարչապետի պաշտոնում վերանշանակվելու առիթով։ Այս մասին հայտնում է ՀՀ վարչապետի մամուլի ծառայությունը։
«Չինաստանը և Հայաստանը վայելում են երկարամյա ավանդական բարեկամություն։ Դիվանագիտական հարաբերությունների հաստատումից ի վեր (34 տարի առաջ) երկկողմ հարաբերությունները պահպանել են ամուր և կայուն աճ, իսկ գործնական համագործակցությունը տվել է բեղմնավոր արդյունքներ»,-նշել է նա։
Չինաստանի վարչապետն ընդգծել է, որ պատրաստ են համագործակցել Հայաստանի հետ՝ առաջնորդվելով փոխադարձ հարգանքի, փոխադարձ վստահության և փոխշահավետության սկզբունքներով` խորացնելու համագործակցությունը բոլոր ոլորտներում և շարունակաբար հարստացնելու երկու երկրների միջև ռազմավարական գործընկերությունը։
Հիշեցնենք, որ օգոստոսի 2–ին Նիկոլ Փաշինյանը վերանշանակվեց ՀՀ վարչապետի պաշտոնում։