ԱԺ ՔՊ-ական պատգամավոր Հայկ Կոնջորյանին դուր չի եկել, որ մամուլում հրապարակումներ են եղել այն մասին, թե կինը «Հայփոստի» տնօրենի պաշտոնում ամսական 10 հազար ԱՄՆ դոլարի չափով աշխատավարձ է ստանում։
«Կարող էր, չէ՞, մամուլում ոչ թե վերնագիր լիներ, թե Հայկ Կոնջորյանի կինը ստանում է այ էսքան աստղաբաշխական աշխատավարձ, այլ Հայկ Կոնջորյանի կինը «Հայփոստի» պատմության մեջ ամենացածր աշխատավարձ ստացող տնօրենն է»,-ԱԺ ամբիոնից հայտարարեց Կոնջորյանը։
Նա նաև մեկ այլ վերնագիր առաջարկեց մամուլի համար.
«Օրինակ՝ հարկատուների կողմից վճարված ինչքա՞ն գումար է վատնել Ագնեսա Խամոյանը՝ որպես Ազգային ժողովի պատգամավոր»։