Միջերկրական ծովից ցիկլոնի ներթափանցմամբ պայմանավորված՝ ՀՀ-ում սպասվում են տեղումներ
ԵՐԵՎԱՆ, 10 փետրվարի. /Նովոստի-Արմենիա/. Առաջիկա օրերին հանրապետությունում սպասվում են տեղումներ։ Այս մասին տեղեկացնում է ՀՀ Հիդրոօդերութաբանության և մոնիթորինգի կենտրոնը։
Ինչպես նշվում է հաղորդագրության մեջ, Միջերկրական ծովից ցիկլոնի ներթափանցմամբ պայմանավորված փետրվարի 10-ի ցերեկը, 11-ի գիշերը շրջանների մեծ մասում, 11-ի ցերեկը առանձին շրջաններում սպասվում են տեղումներ, փետրվարի 10-ի ցերեկը նախալեռնային և հովտային գոտում ձնախառն անձրևի և անձրևի, փետրվարի 10-ի լույս 11-ի գիշերը ողջ հանրապետությունում՝ ձյան և ձնախառն անձրևի տեսքով։
Փետրվարի 10-ի ցերեկը և 11-ի գիշերը տեղումներն առանձին վայրերում կլինեն զգալի։ Լեռնային առանձին գոտիներում սպասվում է քամու ուժգնացում 15-18մ/վ, բուք, ցածր հորիզոնական տեսանելիություն։
Փետրվարի 10-11-ին հանրապետության առանձին շրջաններում սպասվում է նաև մառախուղ։
Փետրվարի 11-ի առավոտյան ժամերին առանձին ավտոճանապարհներին սպասվում է նաև մերկասառույց։